→ كل الوصفات
#حلويات_العيد
المقادير
- المقادير لكل كيلو دقيق
- كوب ونصف سمن
- 4 بيضات
- زجاجة ريحة برتقال
- ملعقه كبيرة ممسوحه نشادر
- ملعقه كبيرة ممسوحه بيكنج بودر
- ¼ كوب لبن دافئ
- 2 كوب سكر بودر
- كيس فانيليا صغير
- ذرة ملح
طريقة التحضير
- نضع البيض مع ريحة البرتقال مع الفانيليا في طبق جانبا
- ونضع السمن والسكر في طبق غويط ونضربهم كويس
- ونضع اللبن والنشادر مع بعض ونتركها جانبا (ناخد بالنا النشادر ريحتها شديدة وكمان بتفور جامد)
- بعد ما نضرب السمن والسكر كويس بننزل عليهم بالبيض والفانيليا وريحة البرتقال ونضربهم كويس وبعد كدة ننزل عليهم بالدقيق والبيكنج بودر وذرة الملح بالتدريج
- بلم العجينه كويس على صينيه كبيرة لسهولة الحركه وبعد مالم العجين كويس ويتشرب بالسمن بنزل عليهم باللبن المخلوط بالنشادر بالتدريج والم العجينه لحد ما تبقى عجينه طريه
- بغطي العجينه واسيبها ترتاح شويه وابدأ احطها في ماكينة البسكويت واجيب صاج وادهنه شوية زيت بسيط جدا والف الماكينه واخد بصوابعي الاربعه واقطع وارص في الصاج
- ادخل الصاج مباشرة على فرن سخن عند درجة حرارة 180درجه لمدة 12دقيقه هيحمر قعر البسكوته وبكدة تكون استوت اسيبها تبرد وبعدين احفظها داخل علبه محكمة الغلق
- وبألف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد