→ كل الوصفات

بسكويت اليانسون بطعم لذيذ وبمقادير مظبوطة وناجحة جداً 👌🏻😋💓

بسكويت اليانسون من أنواع البسكويت اللذيذة 😋 والسهلة والبسيطة جداً👌🏻 في التحضير جربيها مع كوب من الشاي أو القهوة☕ أكيد هيعجبك 😍🌹

  • 4 بيضات
  • 3 كوب دقيق
  • 1 كوب زيت
  • 1 كوب سكر
  • 3 ملاعق كبيرة يانسون
  • 1 ملعقة كبيرة بيكنج بودر
  • 1 ملعقة صغيره فانيلا سائلة
  1. أولاً جيبي الخلاط الكهربائي وحوطي فية الزيت والبيض والسكر والفانيلا وأخلطيهم مع بعض كويس جداً 😍
  2. جيبى طبق عميق وحوطي فية الدقيق والبيكنج بودر واليانسون وقلبيهم مع بعض ومن الأفضل إنك تنخلي الدقيق عشان البسكويت يكون مقرمش معاكي 😍
  3. ضيفي الخليط السائل الموجود في الخلاط على الدقيق وقلبيهم مع بعض كويس هتحسي إن العجينة تقيلة هي كدة بتكون تقيلة عشان مفيش مادة سائلة 😍
  4. جيبى صينية مستطيلة كبيرة وادهني الصينية بالزيت ونزلي فيها خليط البسكويت وبعد كدة ادهني ايدك بالزيت واضغطي على العجينة وساويها كويس وبعد كدة دخلي الصينية الفرن على درجة حرارة 180 لمدة 30 دقيقة تقريباً ولما يستوي خرجية من الفرن وسيبية يبرد 5 دقائق وبعد كدة قطعيه بالطول والعرض بالسمك الموجود في الصورة 😍
  5. رصصي قطع البسكويت في صينية تانية واقلبي البسكويت على الجانب اللي مش متحمر عشان ياخذ لون ذهبي حلو وبعد كدة دخلي الصينية الفرن مرة تانية لمدة 10 دقائق وبعد كدة خرجية من الفرن وسيبية يبرد 😍
  6. قدمي البسكويت بعد كدة في طبق التقديم مع فنجان شاي☕ او قهوة بجد حلو وتحفه 🤩 ومقاديرة مظبوطة وناجحة جداً 👌🏻 جربيه أكيد هيعجبك 😘😍💓🌹
  7. 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →