→ كل الوصفات
#رمضان #فطار _رمضان #مخبوزات-العيد
المقادير
- 2 كوب دقيق
- 1/4 م ص ملح
- 1/2 كوب سمن بلدى
- 1/4 كوب ماء دافئ
- 3 ملاعق كبيرة لبن دافئ
- ملعقه صغيرة خميرة فورية
- ملعقه كبيرة سكر
- 1/4 معلقه حبهان مطحون
- عجوة للحشو
- 2 ملعقه كبيرة سمسم للوش
طريقة التحضير
- انخلى الدقيق ف طبق للعجن ثم ضيفى الملح والحبهان المطحون وقلبيهم مع بعض
- حطى الخميرة مع الميه والسكر واللبن وسبيهم لغايه ما تعمل فقاعات والخميرة تشتغل
- سخني السمنه لغايه ماتشمى ريحتها بس متحريقهاااااش😂 وضفيها ع خليط الدقيق وقلبي بسرعه وبسيهم مع بعض عشان السمنه تغلف كل الدقيق واول ما تحسي ان خليط الدقيق دافي مش سخن ضيفي خليط الخميرة واعجنيهم كويس ومش كتييير وغطيها ف مكان دافي نص ساعه او اقل عشان تتخمر
- ع ما تتخمر اعملى العجوة لو حابه وانا بفضل كده مضمونه وانضف واحسن بكتير من الجاهزة
- نيجي للشكل لو عندك ورق زبدة استعمليه مفيش استبدليه بكيس فوق وتحت العجينه ونفردها اقل من نص سم وبرضو العجوة نفردها بين كيسين لوحدها نظبط الشكل ونساوى الاطراف بالسكينه ف العجينه وف العجوة ونحط العجوة المفرودة ع العجينه المفرودة بس اوعى واحده تنسي الكيس ف النص
- نلفها رول ونراعى ان طرف العجينه ف الاخر نحطه من تحت ونقطع الرول حسب العرض ال عايزاه انا عملته حوالى ٢سم ونرصه ف صنيه ع ورق زبدة او صنيه مدهونه سمنه خفيف ونسيبه يخمر تانى وقبل ما يدخل الفرن ندهن الوش بيض بخفة مع فانليا ونرشه بالسمسم
- اخبزيه ف فرن سخن مسبقا ف حرارة ١٨٠ ل ٢٠٠ درجه حوالى تلت ساعة او لغايه ما يحمر وشه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد