→ كل الوصفات

بسكويت بالكاكاو

طريقة عمل بسكويت بالكاكاو سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1 كوب + 1 ملعقة ك سمن بحرارة الثلاجة
  • 1 كوب سكر بودر
  • 2 بيضة + فانيليا
  • 3 ملعقة ك حليب
  • 1/4 كوب نشا
  • 1/2 ملعقة ص بكينج بودر
  • 1 ملعقة ص نشادر
  • 2 ملعقة ك كاكاو خام
  • 1 ملعقة ك لبن بودر
  • 1/2 كيلو دقيق فاخر
  • 2 ملعقة ص زيت عند اللزوم
  1. استخدمت مضرب البيض و ضربت السمن مع السكر علشان ياخد قوام كريمي، نزلت بالتدريج بيض وباقي المكونات، بعد ما اخدت قوام كريمى نزلت بالتدريج الدقيق -بكينج بودر لحد ما الدقيق اختفى القوام بيكون طرى متماسك مش بيلزق
  2. استخدمت صوانى غير لاصقة، و بدات التشكيل باستخدام ماكينة البسكويت، ضرورى امسك العجينة في ايدى دقيقة واعجنها قبل ما ادخلها الماكينة، علشان تكون هشه ومش بتتقطع في الماكينة دخلت الصوانى درجة حرارة 160 تاخد لون من تحت و بعدين من فوق
  3. التخزين؛ سيبتها تبرد تمامًا وبعدين رصيتهم في كرتونة فرشت كيس في الكرتونة، رصيت صف من البسكويت و فرشت عليه ورقه زبدة و عملت صف تانى بسكويت لحد ما خلصت الكمية
عجبتك الوصفة؟
شوف كل وصفاتنا في مكان واحد
كل الوصفات →