→ كل الوصفات
طريقة عمل بسكويت بالمهلبيه وصوص الشوكولاتة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كوب بسكويت
- 3 (0.5 كوب) لبن
- 4 ملاعق نشا
- 3 ملاعق كاكاو
- كوب ماء
- 0.5 كوب سكر (او حسب الرغبه)
- 0.25 كيلو شوكلت خام
- معلقتين لبن بودرة
- زبده او سمنه سايحه
طريقة التحضير
- هنضرب البسكويت في الكبه ونضيف عليه ربع كوب زبده او سمنه سايحه لحد ما يبقى عامل زي الرمله المبلوله تمسكيها بايدك كده تأخذ شكل ايدك وتفك تاني
- تجيبي صينيه اللي بتتفتح لو مش عندك جيبي اي صينيه وحطي عليها ورق الومنيوم
- رسي عليها البسكويت في الصينيه وساويه بايدك أو بكوبايه
- وسببه في الفريزر ساعة
- وتحضري المهلبيه تحطي 3 ملاعق كاكاو على 3 اكواب لبن ونص كوب سكر او حسب رغبتك وبعد ما يغلي هتجيبي ٤معالق نشا دوبيهم في كوب ماء وضفيهم على اللبن وقلبي لحد ما يتقل وبعد كده ضفيهم على البسكويت وحطيهم في الفريزر ساعة كمان
- بعد كده صوص الشوكولاتة هتجيبي ربع كيلو شوكلت خام ونسيحهم على حمام بخار مع نص كوب لبن ومعلقتين لبن بودرة وأما يسيحو نضيفهم على المهلبيه ونسيبهم في الثلاجه على الأقل ساعة
- بعد كده طلعيها من الصينيه وقطعيها وقدميها بارده وبالف هنا وشفا 😍😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد