→ كل الوصفات
أحلى وأسهل بسكويت باليانسون ممكن تعمليه بمقادير بسيطه وسهله هتعملي أحلى بسكويت باليانسون😋👌😍
المقادير
- 3 كوب دقيق
- 4 بيضات
- 1 كوب سكر
- 1 كوب زيت
- 1 ملعقة كبيرة بيكنج بودر
- 1 ملعقة صغيره خل
- 1 ملعقة صغيره فانيلا سائلة
- 3 ملاعق كبيرة يانسون
طريقة التحضير
- أولاً في طبق غويط حوطي الدقيق واليانسون والبيكنج بودر وقلبيهم مع بعض كويس😍
- في الخلاط حوطي الزيت والبيض والسكر والخل والفانيلا وأخلطيهم مع بعض كويس 😍
- ضيفي الخليط إللي في الخلاط على الدقيق وقلبيهم مع بعض هتحسيي إن العجينة تقيلة وأنتي بتقلبي هي كدة بتكون تقيلة بعد كدة هاتي صينية وأدهنيها زيت والصينية تكون مستطيلة وحوطي فيها خليط البسكويت😍
- إدهني إيدك بالزيت وبططي العجينه بإيدك ووزعيها في الصينيه كلها وبعد كدة ساويها بالمعلقة ودخليها الفرن على درجة حرارة ١٨٠ حوالي نصف ساعة ولما تستوي خرجيها من الفرن وقطعيها بالطول والعرض بسمك زي إللي في الصورة او قطعيها زي ما تحبي 😍
- جيبي صينية تانيه وشيلي قطع البسكويت وأقلبيها على الجنب التاني بحيث البسكويت يتحمر من كل جانب ودخلي الصينيه الفرن 10دقائق عشان البسكويت يتحمر وياخد لون ذهبي حلو وخرجي الصينية بعد كدة من الفرن ولما البسكويت يبرد قدميه بعد كدة مع كوب شاي حلو☕ وأستمتعي بالطعم التحفة بجد👌 جربيه هيعجبك اوي وبالعافيه عليكي حبيبتي 😘😍💓💖🍒
- 😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد