→ كل الوصفات
بسكويت سهل ولذيذ جداً👌😋 وطعم مربى المشمش حلو أوي مع البسكويت جربيه هيعجبك جداً مش هتبطلي تعملية 🤩
المقادير
- 1 كوب ونصف دقيق
- 1/2 كوب سكر
- 1/2 كوب زيت
- 1 بيضة
- 1 ملعقة صغيرة بيكنج بودر
- 1 كيس فانيليا
- رشة صغيره من الملح
- كمية من مربى المشمش
طريقة التحضير
- أولا في الخلاط حوطي البيضة والزيت والسكر والفانيليا واخلطيهم مع بعض كويس جداً 😍
- جيبي طبق غويط وحوطي فيه الدقيق والبيكنج بودر ورشة الملح وقلبيهم مع بعض وانخلي الدقيق عشان البسكويت يكون مقرمش وحلو معاكي وبعد كدة ضيفي عليه الخليط الموجود في الخلاط وقلبيهم مع بعض لحد لما تتكون معاكي عجينة ممكن تشكيلها بإيدك😍
- جيبي صينية وأدهنيها بالزيت وكوري كل كمية العجين كوره بحجم الليمونة الصغيرة ولما تخلصي كل الكمية إعملي فتحة صغيرة في منتصف العجين في كل كورة وبعد كدة دخلي الصينية الفرن على درجة حرارة 180 لمدة 20 دقيقة تقريباً ولما يستوي خرجية من الفرن وسيبية يبرد 😍
- جيبي بعد كدة مربى المشمش وحوطي كمية في كل فتحة من البسكويت وبعد لما تخلصي كل الكمية قدمية بئا مع كباية شاي حلوة☕ واستمتعي بئا بالطعم التحفه بجد 👌سهل ولذيذ😋 وسريع جربيه هيعجبك جداً وبالعافية عليكي حبيبتي 😘💓🌹
- 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد