→ كل الوصفات

بسكويت حلزوني (بسكريم)

#بسكويت #حلويات

  • 1/4 كيلو زبدة بحرارة الغرفة اي 250 جرام
  • كوب سكر بودرة
  • بيضة
  • فانيليا
  • 3 كوب دقيق منخول
  • ملعقة كبيرة كاكاو محلي (نسكويك)
  • معلقة كبيرة كاكاو خام
  • 1/4 معلقة صغيرة بيكنج بودر
  1. اول حاجة نضرب الزبدة والسكر كويس اووي لحد ما يبقي متجانس ولونه ابيض بعدين نضيف البيضة والفانيليا ونضرب كويس اوووي
  2. تاني مرحلة نضيف الدقيق المنخول والبيكنج بودر ونعجن واذا محتاجة دقيق نضيف واذا محتاجة زيت عشان تتماسك نضيف ونقسم العجين بالنصف
  3. النصف الأول من العجين نسيبه ع جنب والجزء التاني نضيف الكاكاو المحلي وغير المحلي ونبدأ ناخد جزء صغير ونكوره اد البلية كده صغيرة ٣ قطع شيكولاته مع ٣ قطع من الفانيليا ونلزقهم في بعض وبعدين نحطها ع ايدين ونلفها شوية لحد ما ناخد الشكل الحلزوني
  4. ونكمل باقية الكمية وفي صينية مدهونة زيت بسيط جدا نحط البسكويت ندخله فرن مسخن مسبقا ع درجة حرارة ٢٠٠ لمدة ٢٠ دقيقة لما يحمر من تحت ويبقي لون دهبي نخرجه ونسيبه في الهوا شوية بعدين نحفظها في علبة محكمة الغلق و بألف هنا
عجبتك الوصفة؟
شوف كل وصفاتنا في مكان واحد
كل الوصفات →