→ كل الوصفات
#عجين
المقادير
- 1 كوب(تلت تربعه زبده وربع سمنه بلدي او ممكن يبقي زيده بس او سمنه بس)
- 3/4 كوبايه سكر بودر منخول
- 2 بيضه بدرجه حراره الغرفه
- 1 م ص فانيليا
- 2 ونص كوب دقيق (منخول كويس)
- 2 م ك نشا (سر الهشاشه)
- رشه ملح
- 1/4 م ص بيكنج بودر
طريقة التحضير
- نخلط الزبده والسكر البودر بالمضرب او في العجان حوالي 4دقايق لحد ميبقي كريمي وفاتح بعدها هنضيف البيض واحده واحده مع الفانيليا
- ونخلط لحد ما يبقى الخليط ناعم ونضيف المكونات الجافه ونقلب ب اسباتولا لحد منوصل لعجينه ناعمه وطريه ومش بتلزق في الايد
- ممكن نفردها بين ورقتين زبده ونقطاعها بقطاعات او كوبايه او نشكلها ب الايد على شكل صوابع او دواير او ب كيس الحلواني
- ندخلها التلاجه 10 دقايق قبل التسويه عشان تحتفظ بشكلها ومتفردش في الفرن نسخن الفرن علي 170 وندخلها ربع ساعه او اقل وممكن ازيد "حسب قوه الفرن" يطلع يبرد تماما عشان ميتكسرش وبالف هنا 🩵
- نحاول منكترش بيكنج بودر عشان ميشققش ❌ منزودش نشا اكتر من الازم عشان البسكوت ميبقاش ناعم بزياده ويتكسر بسهوله ممكن نعمله ب اكتر من طعم ✅ رشه بشر ليمون او برتقال او فانيليا برتقال نشيل م ك من الدقيق ونبدلها ب كاكاو م ص قرفه او نكهه اللوز او الكراميل انا حبيت اعمله ساده عشان عايزه في وصفه تانيه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد