→ كل الوصفات
وصفة سريعة ولذيذة بطعم خطير 😍 رز بسمتي مع دجاج متشوح وفلفل ألوان ولمسة خضار خلت الطعم حكاية ✨ أكلة خفيفة وسهلة وتنفع للغدا أو العشا حاجه كدا ف السريع منو تنفع وقت الزنقة و الطعم حكايه طبعاا 🫶🏻 جربوها #ع_طريقتي #المريول_السوبر
المقادير
- 3 كوب رز بسمتي
- 1/2 كيلو شرايح فراخ
- بصلة مبشوره ناعم
- جزره مبشوره
- كوب فلفل الوان
- مياه مغليه
- عود قرفه و ورق لوري و هيل و كبابة صيني
- ملح
- فلفل اسود
- 1/4 م ص 7 بهارات
- 3 م ك بهارات رز مبهر
- مكعب مرقه
- زيت و زبده
طريقة التحضير
- ف الحله هانحط الزيت مع الزبده و ننزل بالبهارات الصحيحه ريحتهم تتطلع ننزل بالبصله و نقلبها نخليها تدبل شويا و ننزل بالجزره نقلبها تدبل شويا ننزل بالفلفل الالوان و البهارات و نقلب
- و بعدين ننزل بشرايح الدجاج و نقلب و نحط عليها المياه المغليه و مكعب المرقه و نسيبها تاخد سوا شويا.. اما تستوي ننزل بالرز و بهارات الرز و نقلب و نخليه ياخد غلوه و بعدين نوطي النار لحد ما يستوي
- اول ما يستوي نولع الفحمه و نحطها ف حاجه جوا حله الرز و نحط الزيت و نكمرها بسرعه عشان تاخد طعم الدخن و نقلبها و نقدمها مع الدقوس و بالهنا و الشفا يا حلوين ✨
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد