→ كل الوصفات

بصارة

حبيت تغير فطار الجمعة من الفول و الطعمية العاديين للبصارة مع مخلل اللفت الشهي

  • ¼ كيلو فول مدشوش
  • حزمة كزبرة و بقدونس و شبت
  • جزرة
  • حبة طماطم طبيرة
  • 3 بصلات
  • زيت و سمنة
  • ملعقة دقيق
  • مكعب مرقة
  • ملح و فلفل و كمون
  1. نقطع البصل و نحمرها مع معلقتين زيت و معلقة سمنة و ننشلها من الزيت
  2. نزل بالطماطم بعد تقطيعها
  3. و بعدين الجزرة بعد تقطيعها و الخضرة المشكلة
  4. بعد ما الخضار يدبل ننزل بالفول المدشوش بعد غسله و نقطعه في المياه ساعة
  5. دة شكل الفول مع الخضار بعد ما استوا تماما
  6. و لما يبرد نضربه في الخلاط كويس
  7. ملعقة سمنة على النار و ننزل بالدقيق و نقلب لحد ما الدقيق يتغير لونه
  8. ننزل بالبصارة بعد ضربها بالخلاط و نقلب لحد م تتقل معانا
  9. نغرفها في الاطباق و نزينها بالبصل المحمر
  10. بالهنا على قلوبكم..... ممكن تتعمل بطريقة اسهل كتير سلق الفول و مع الخضرة المشكلة فقط و تحمير بصل للتزين و دي الطريقة التقليدية بتاعتها
عجبتك الوصفة؟
شوف كل وصفاتنا في مكان واحد
كل الوصفات →