→ كل الوصفات

بصارة

اسهل واسرع طريقه للبصارة

  • فول مدشوش
  • 0.5 حزمة بقدونس
  • 0.5 حزمة شبت
  • حزمة كزبرة خصرا
  • 4 فصوص توم
  • 3 بصلات
  • معلقة نعناع مجفف
  • معلقة ملوخية ناشفه
  • ملح
  • كمون
  1. هنجيب حلة ونحط فيها ميه على النار تغلى
  2. لما تغلى هنحط الفول ونقطع فصوص التوم وبصله ونضيفهم
  3. نغسل الخضرا كويس ونقطع كل حزمه نص ونضيفهم على الوش ونسيبهم يغلوا
  4. هنسيب الفول والخضار يغلوا على النار لحد ما يتهرى وكل ما المية تقل نضيف مية مغليه لحد ما يستوى
  5. اثناء ما الفول بيستوى هنعمل تقلية زى تقلية الكشرى في طاسه هنحط زيت ونقطع باقي البصل ونحمره ونطلعه قبل ما لونه يغمق ونحتفظ بالزيت
  6. الفول زمانه استوى هنسيبه شويه يبرد
  7. بعد ما يبرد هناخد الخليط نضربه في الخلاط كويس اوى ونحطه في حله تانيه على نار هاديه
  8. هناخد النعناع والملوخيه ننعمهم بايدينا بأننا نفركهم وننخلهم عشان لو فيهم حاجه ونحطهم على الخليط ونقلب
  9. نضيف الملح والكمون بس الكمون ندوبه في ميه الاول عشان ميكلكعش
  10. بعد كده هنضيف حوالى معلقه او ملعقة ونص من الزيت اللى احتفظنا بيه ونقلب
  11. اهم حاجه نظبط القوام لو محتاجه ميه ممكن نضيف شويه ونقلب تقليبتين ونعلى النار دقيقه واحد بس ونطفى
  12. نغرف البصاره في الاطباق وع الوش نضيف التقليه وبالهنا والشفا😍😍
عجبتك الوصفة؟
شوف كل وصفاتنا في مكان واحد
كل الوصفات →