→ كل الوصفات

بصاره اسكندراني على أصولها 🤗

طريقة عمل بصاره اسكندراني على أصولها 🤗 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/4 كيلو فول مدشوش (مقشور و متكسر) ومنقوع من قبل بدايه الطبخ بحوالي سبع ساعات
  • 1/2 حزمه كزبره خضراء ونص حزمه بقدونس
  • بصله متوسطه جوانح
  • بصله متوسطه مفرومه
  • 5 فصوص ثوم
  • ملعقتين طعام ملوخيه مجففه ومفرومه
  • مكعب مرقه
  • ملح وفلفل حسب الذوق
  • 1/2 معلقه شاي بابريكا ومثلها كمون
  • ربع ملعقة شطه حسب الذوق
  • للوجه
  • بصل جوانح رفيعه محمر في زيت غزير
  • معلقتين طعام زيت على زبده
  • معلقه طعام كزبره ناشفه
  • معلقه طعام ثوم مفروم
  • معلقه طعام زبده
  • معلقه طعام زيت نباتي
  1. حطي البصل الجوانح على الفول مع فصوص الثوم الصحيحه في حله و غطي الخليط بالماء
  2. ضيفي البهارات و سيبيها تغلي لغايه الماء لما تقل و بعدين ضيفي الملوخيه و الخُضره و قلبي و سيبيها شويه لغايه ما تكون باللون اللي في الصوره و بعدين اهرسيها في الخلاط ورجعيها الحله وافتحي عليها النار تاني
  3. دوبي ملعقة الزبده عالزيت و شوحي البصله المفرومه و ضيفيها للبصاره و سيبيها تغلي خمس دقائق
  4. حمري الثوم و الكزبره الناشفه و حطي نصهم عالبصاره و قلبي و سيبي النص التاني للوجه
  5. اغرفي البصاره في اطباق و زيني الوجه بالبصل المحمر و خليط الثوم و الكزبره.يعصر الليمون على الوجه اثناء الاكل
عجبتك الوصفة؟
شوف كل وصفاتنا في مكان واحد
كل الوصفات →