→ كل الوصفات

بصاره

#عيش_وملح

  • 1/2 كيلو فول مدشوش
  • لتر ميه تقريبا
  • بصله كبيره
  • 5 فصوص توم كبار او 10صغيرين
  • 1/2 ربطة بقدونس
  • 1/2 ربطة كسبره خضراء
  • 1/2 ربطة شبت
  • معلقة صغيره ملح
  • معلقة صغيره نعناع مطحون او 10ورقات نعناع فريش
  • معلقة صغيره فلفل اسود
  • معلقة صغيره مليانه كمون
  • قرن فلفل حامي لو تحبي
  • لتزين الوجه
  • راس توم
  • معلقتين كسبره ناشفه مطحونه
  • 4 معالق سمنه كبيره او زبده
  1. نغسل الفول كويس و ننقعه اقل حاجه 3ساعات و نشطفه و نحطه في حله و نضيف تقريبا لتر ميه
  2. نقطع البصل اي شكل عشوائي و نقطه الخضره المغسوله و مناخدش من العيدان جزء كبير و نضيف التوم كمان
  3. نغطي و نسيها تغلي و بعدين نوطي النار و لو احتاجنا نزود ميه و نستني تستوي
  4. نفرم راس التوم مع حبة ملح بسيط جدا و نحمره في السمنه و نضيف الكسبره كاننا بنعمل طشه ملوخيه بالظبط و ناخد التوم نحطه علي طيق مفرود و نحتفظ بالسمنه او الزبده اللي حمرنا فيها
  5. لما نلاقي الفول استوي خالص و بقي مهري نطفي عليه و نكشف الغطا و نسيبه يبرد و لو عندك هاند بليندر مش هتحتاجي الخطوه دي
  6. بعد ما بردت نحطها في شفشق الخلاط و نضرب كويس مع اضافة التوابل كلها و نرجعها الحله تاني و نسيبها تاخد غلوتين و نضيف السمنه اللي حمرنا فيها التوم و غلوه مع التقليب و منزودش ميه عشان متبقاش سايحه اوي
  7. و نغرف الطبق بقي و نرش شويه من التوم المحمر علي وشه
عجبتك الوصفة؟
شوف كل وصفاتنا في مكان واحد
كل الوصفات →