→ كل الوصفات

بطاطا بالبشاميل (بطاطا حلوة)

لما اجيب بطاطا حلو للشوي و القيها مو حلو بالمرا اسيبها طبعا لا تعالو نعملها بطريقه حلو من غير اي تكاليف و لا مكونات وخزعبليه اكتير يلا نشوف كيف هانعملها #ع_طريقتي

  • بطاطا 🍠
  • 3 كوب سكر
  • كليو لبن
  • علبه قشطه
  • فانيلا
  • جوزه الطيب
  • قرفه ناعمه
  • دقيق
  • ميا سلق البطاطا
  • زبده
  • 2 فص مستكه
  1. هانغسل البطاطا كويس جداااا هانقطع البطاطا و نحطها ف حله و نحط عليها سكر كتير و نخليها لتاني يوم اكون نزلت كل الميا اللي فيها و نولع عليها النار ع الهادي لحد ما تستوي
  2. نقشرها و نحطها ف بوله غويطه و نحط معها رشه قرفه و كوب من خليط البشاميل و تقلبهم كويس و نحطها ف صنيه
  3. نعمل البشاميل بقي اللي طعمو حقيقي وهم.. ف حله ها ننزل بالزبده و لما تسخن هانحط المستكه و ننزل بالدقيق ونقلبها كويس و بعد كدا ننزل بالقرفه و جوزه الطيب و نقلبها كمان مرا و بعدها ننزل باللبن و ميل سلق البطاطا و هنا هاتكون مسكره مش هنحتاج نحط عليها سكر
  4. او حسب الرغبه السكر.. هانحط البشاميل ع الصنيه اللي فيها البطاطا و نرش رشه قرفه ع الوجه و ندخلها الفرن لحد ما يتحمر الوجه و بعد كدا نقدمها
  5. سوا كانت بارده او سخنه بكل الاحوال بتجننن و الطعم رهيييب فعلا 🫶🫶
عجبتك الوصفة؟
شوف كل وصفاتنا في مكان واحد
كل الوصفات →