→ كل الوصفات

بطاطا بالبشاميل وصفة شتوية

استخدمت في الوصفة دى بشاميل على البارد والنتيجة روعة

  • 1 كيلو بطاطا بقشرها مغسولة كويس
  • 1/2 كيلو لبن
  • 2 معلقة كبيرة دقيق
  • 1 معلقة كبيرة لبن بودرة أو كريم شانتيه بودرة
  • فانيليا
  • 1 معلقة كبيرة زبدة
  • 3/4 كوب سكر ناعم
  • جوز هند وزبيب أو مكسرات حسب الرغبة
  1. نضع البطاطا في مصفاة على حلة بها ماء لسلق البطاطا على البخار حوالي نصف ساعة
  2. بعد نضج البطاطا نختبرها بطرف سكين لو غرزت بداخل البطاطا يبقى استوت نرفعها من النار ونقشرها ونهرسها
  3. نضع اللبن في حلة نا متوسطة ومعه الدقيق واللبن البودرة و١/٢ كوب من السكر ونقلب كويس حتى يتقل القوام ويعمل فقاقيع كده بقى استوى البشاميل
  4. نرفع البشاميل من النار ونضع له الزبدة والفانيليا ونقلب
  5. نأخذ معلقتين كبار من البشاميل ونضعهم على البطاطا ومعهم ربع كوب سكر ناعم ورشة فانيليا ومكسرات حسب الرغبة ونقلبها كويس
  6. نفرد البطاطا ف صينية مدهونة زبدة او سمنة ونساوى الوجه كويس ثم نضع فوقها باقي كمية البشاميل ونساويه جيداً
  7. ندخل الصينية فرن ساخن على الرف اللي في المنتصف لمدة نصف ساعة وبعدها نشغل الشواية ٥ دقائق لتحمير الوجه ثم نخرجها من الفرن
عجبتك الوصفة؟
شوف كل وصفاتنا في مكان واحد
كل الوصفات →