→ كل الوصفات
طريقة سهلة بأفخاذ الدجاج👌
المقادير
- أفخاذ دجاج مقسومين على 2 (🍗🍗)
- بطاطا مقطعة دوائر خشان
- 5 سنات ثوم
- حوالى مغرف صغيرة معمرة ملح(حسب الكمية)
- فنجال زيت
- 1/2 كأس ماء(النصف)
- 1/2 كأس صوص تومات(ملعقة متوسطة طماطم مخلطة مع فنجان ماء)
- فلفل أسود ،راس الحانوت ،كركم ،زنجبيل ،كزبرة بودر، كمون
- فلفل عكري حار وحلو، زعيترة، 3أوراق رند (غار) (غار)
- 3 حبات صغيرة فلفل(حسب الرغبة)
طريقة التحضير
- نخلط جميع التوابل مع الثوم +فنجان زيت +نصف كأس ماء +الملح والرند ،نتبل الدجاج بعدما ندير فيه ثقوب بالموس 🍗🍗 ونحطو فلفريجدار ساعتين على الأقل، ولاصوص اللي بقات نزيدلها صوص توماط ونخلط فيها البطاطا🌷
- نجيب بلاطو(يستحسن ضيق وعميق) مدهون بالزيت ندير البطاطا نزيد فوقها الدجاج وأخيرا نحط حبات الفلفل مقفولين بجانب الدجاج ونغطيه بپابي كويصون مغسول ومعصور، ونزيد باپي ألمنيوم وندخلو في الفرن على200درجة. يطيب من أسفل أولا لمدة أكثر من ساعة ونصف، ثم نشعلو من فوق ونحي الورق ونزيد شوي زبدة فوق الدجاج باش يتحمر مليح 🌷 * ملاحظة: الدجاج إذا درتوه وحدو بلا بطاطا زيدو التوابل وعصير نصف ليمونة🍋 وملعقة صغيرة عسل وملعقة صغيرة موطارد (خردل) (خردل)
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد