→ كل الوصفات
طريقة عمل بطاطا بوري بتقديم عصري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 4 حبات بطاطا متوسطة الحجم أو حسب الحاجة
- ورقة رند (غار)
- 2 سنينات ثوم
- الملح حسب الذوق
- ملعقة صغيرة زبدة
- حبة بصل مقطعة رقيق
- 2 سنينات ثوم
- ملعقة كبيرة الطماطم المصبرة
- 2 حبات طماطم مرابية
- ملح حسب الرغبة
- رشة فلفل أسود
- رشة كركم
- رشة فلفل أحمر
- رشة زعيترة
- القليل من الزعتر
- القليل من صدر دجاج مشوي مسبقا
- القليل من الحبق يابس
- 3 حبات بيض مسلوق
طريقة التحضير
- نقيت البطاطا وحطيتها في كاسرونة زدت عليها الماء مع ورقة رند (غار) وسنينات ثوم ومغيرفة صغيرة زبدة والملح حسب الذوق وخليتها طيب
- في هاذ الأثناء وجدت صلصة الطماطم في مقلاة حطيت شوية زيت لما سخت ضفت البصل قليته شوية وزدت عليها 2 سنينات ثوم مرابي قليت الكل مليح ضفت ملعقة كبيرة طماطم مصبرة مع التوابل (الملح، فلفل أسود، كركم، فلفل أحمر) وقليتهم جيداً
- من بعد ضفت الطماطم اللي رابيتها وقليتها حتى هي مليح وزدت فنجان ماء ساخن وفي الأخير ضفت الأعشاب المنسمة (الزعيترة والزعتر والحبق يابس)
- كي طابت نقست كمية الصلصة وضفت ليها القليل يمكن ربع صدر دجاج كان عندي مشوي مسبقا كنت قطعتو إلى قطع صغيرة خليته مدة 5 دقيقة وطفيت عليه
- في هاذ الوقت البطاطا طابت وهي سخونة صفيتها من الماء وضربتها بالباطور جيداً حتى تمرست كامل ضفت عليها 4 حبات جبن مثلثات والقليل من الحليب حتى تحصلت على قوام كريمي (يمكن إستبدال الحليب بالماء اللي طابت فيه البطاطا يعطينا نفس النتيجة) وفي الأخير نضيف ملعقة صغيرة زبدة تعطيها نكهة رائعة
- نروحو للتركيب دهنت الأطار بزيت الزيتون عمرت مهروس البطاطا في الكيس حلواني فرغت القليل منه (مهروس البطاطا) في الوسط وستفت شرائح البيض في الجوانب وعمرت الفراغ بمهروس البطاطا سقمته مليح
- جبت صلصة الطماطم فرغتها في الوسط وعملت وردات ساير داير بمساعدة الكيس الحلواني
- وكمرحلة أخيرة بقايا بياض البيض المسلوق رابيتهم وزوقت بيهم
- وتقدم بألف صحة وهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد