→ كل الوصفات

بطاطا كروكيت بقطع الدجاج المقلية 🍗 كفتة البطاطا بالدجاج 🍗👌

وصفة بتجنن بتنفع كمقبلات في سفر رمضان .. وبتنفع كوجبة خفيفة إلى جانب العيران أو سلطة الخيار باللبن .. بصراحه بتجنن والحلو فيها انو فيكم تحضروها قبل رمضان وتفرزوها بكياس وعالفريزر ووقت الحاجة بس بتطالعوها وبتقلوها وبتضل فريش .. .. رائعة .. بتمنى تعجبكم..💐😄

  • 6 حبات صغار بطاطا
  • 2 حبة بصل اخضر
  • قطعتين فيليه دجاج او نصف صدر فروج مابتفرق
  • جبنة موتزريلا مبشورة
  • 4 بيضات
  • البهارات
  • معلقة صغيرة فلفل اسود
  • معلقة صغيرة بودرة التوم
  • معلقة صغيرة بودرة البصل
  • بابريكا
  • رشة اوريكانو
  • زنجبيل بودرة
  • فلفل ابيض
  • ملح
  • للتغليف
  • طحين
  • رشة فلفل اسود
  • رشة بابريكا
  • 3 بيضات
  • رشة فلفل اسود
  • رشة ملح
  • كعك مطحون او بقسماط
  • رشة كركم (اختياري)
  1. اول خطوة بنغسل البطاطا وبنقشرا وبنسلقا وبس انسلقت بنهرسا كالشكل
  2. وبنفرم فيليه الدجاج قطع صغيرة كتير وبنقليها بمقلاة بشوية زيت لتاخد اللون الابيض كالشكل
  3. وبنصفيهن وبنحطن بصحن عجنب ومنفرم البصل الاخضر ومنجهز باقي المكونات
  4. بنجيب وعاء كبير وبنحط فيه البطاطا وفوقا البيض والبصل الاخضر والجبنة
  5. وبنحركن منيح وبعدا بنضيف الدجاج وبقلب
  6. والبهارات
  7. بعد ما احركن واخليهن يمتزجو ببعض بجيب نايلون شفاف وبغلف فيهن المزيج وعالبراد مدة ساعة حتى تتماسك ووقت تشكلوها ماتتعذبو
  8. بنطالعن من البراد ومندهن صينية بالزيت وايدينا وبعدا منبلش نشكل البطاطا وهيك لانتهاء الكمية
  9. بعدا منبلش بنحط كرات البطاطا بالطحين
  10. بعدا بالبيض
  11. بعدا بالكعك المطحون
  12. وهيك لانتهاء الكمية
  13. طبعا هون انتو اذا بدكن تفرزوهن بس بتدخلوهن عالبراد شغلة ساعة بعدا بتحطوهن بكياس التفريز وعالفريزر لوقت الحاجة بتطالعوهن وبتقلوهن
  14. بعدا بتجهزو زيت غزير بس حمي بتوطو عليه عالوسط وبتبلشو تقلو البطاطا لحتى تاخد اللون الذهبي
  15. بعدا بنصفن عورق المطبخ لتمتص الزيت
  16. وتقدم كطبق جانبي طيب ولذيذ
  17. بتمنى تعجبكم
  18. وصحة وهنا.. 💞
  19. صور اضافيه
عجبتك الوصفة؟
شوف كل وصفاتنا في مكان واحد
كل الوصفات →