→ كل الوصفات
#الشيف_الذهبي اللهم صل وسلم وبارك على سيدنا محمد، حبيـت نشــارك معاكــم اليــوم بطاطــا 🥔 كوشـــة بالدجاج مـردوم فــي قــدرة الطين بزاف بنينة 😋طايبة زبدة👌🏻 ومختلفة على اللي موالفين نحضروها، الدجـــاج يجـي طايـب وفيه نكهة مميزة وبنينة ومختلفــةإذا جربتوهــا تعرفــوني علـى واش رانــي نحكي 😉 نتمنـــى تعجبكــم الطريقــة، أمسية سعيدة للجميع💐.
المقادير
- ½ دجاج متوسطة الحجم
- لتتبيلة الدجاج نحتاج
- الملح حسب الذوق
- 2 ورقات رند نقطع قطع صغيرة
- ¼ ملعقة صغيرة فلفل أسود
- ½ ملعقة صغيرة كركم
- ملعقة صغيرة سكر
- ½ ملعقة صغيرة سكين جبير
- ملعقة صغيرة تابل الدجاج
- ملعقة صغيرة قصبر ناشف مطحون
- ملعقة كبيرة ممسوحة فلفلة حمرة
- ½ ملعقة صغيرة زعيترة محكوكة
- القليل من الفلفل الأحمر الحار
- 1/4 ملعقة صغيرة كيتشاب
- 2 فصوص ثوم مرابي
- ملعقة ضغيرة موتارد
- ملعقة صغيرة طماطم مصبرة
- 3 ملاعق كبيرة زيت
- 3 ملاعق كبيرة حليب رايب
- 1 ملعقة كبيرة خل
- للخضر نحتاج
- 4 فصوص ثوم
- حبة بصلة كبيرة مقطعة شرائح
- 4 حبات بطاطا متوسطة الحجم مقطعة دوائر
- حبة طماطم مقطعة دوائر
- ½ كاس ماء
- حوالي 40 غ ما رغرين
طريقة التحضير
- نبدأ باسم الله، أولا بتحضير تتبيلة الدجاج في إناء حطيت كل التوابل المذكورة أعلاه (الملح، الفلفل الأسود، الكركم، الفلفلة حمرة، تابل الدجاج، سكين جبير، القصبر الناشف، السكر، الرند مقطع قطع صغيرة، الموتارد، الكيتشاب، الطماطم المصبرة، الزيت، الحليب الرايب، الخل، الزعيترة، الثوم مرابي، القليل من الفلفل الأحمر الحار)
- نجيب قطعة الدجاج ندير ثقوب وفي كل ثقب نحط حبة ثوم ومن جهة أخرى نكون خلطت التتبيلة جيدا حتى تتجانس كل المكونات نرفد قطعة الدجاج ونحطها فيها
- نحاول ندخل التتبيلة في كل قطعة الدجاج، نجيب قدرة الطين نقطع فيها نصف حبة بصلة شرائح. ملاحظة مهمة: ✔ إذا كان عندك الوقت غطي الإناء ودخليه للثلاجة مدة ساعتين باش الدجاج يتشرب التتبيلة أكثر، أنا استعملتها مباشرة مكانش عندي الوقت
- رفدت قطعة الدجاج وحطيتها في قدرة الطين وفرغت عليها نصف التتبيلة كما هو موضح في الصور، نفّخت قطعة من ورق الطهي وبلعت بيه قدرة الطين
- ومن فوق زدت غطيت بقطعة ألمنيوم عاد غلقت بغطاء القدر، ودخلتها للفرن المسخن مسبقا على درجة حرارة متوسطة
- وما تبقى من التتبيلة فرغت عليه نصف كاس ماء وخلطت مليح، وضفت عليه البطاطا كنت نقيتها وغسلتها وقطعتها دوائر هي والطماطم والبصلة خلطت حتى تجانست المكونات وتشربت من التتبيلة، دهنت الإناء الزجاجي (بايركس) بالمارغرين أو الزبدة
- ستفت في الأسفل شرائح البصلة ومن فوق دوائر البطاطا ثمّ دوائر الطماطم
- فرغت التتبيلة وحطيت من فوق قطع من المارغرين غطيتها في الأول بورق الطهي نفختو بالماء ومن فوق غلّفت بورق الألمنيوم ودخلتها للفرن المسخن مسبقا علــى درجـــة حــرارة متوسطة حطيتها بجنب قدرة الطين وخليتها طيب على خاطرها
- كي فاتت تقريبا 50 دقيقة حليت على قدرة الطين صبت الدجاج طاب وتحصلت على مرقة أو عصارة لاباس بيها وفقدت البطاطا حتى هي كانت طايبة
- المهم حطيت قطعة الدجاج فوق البطاطا وهاذيك المرقة اللي تحصلت عليها فرغتها فوق الدجاج والبطاطا وعاود رجعت الصينية للفرن بدون ما نغلفها بورق الطهي والألمنيوم، خليتها تتجمر مدة 10 دقائق. ملاحظة: ✨مدة الطهي ككل دات معايا ساعة بالتقريب
- وقدّمتها بألف صحة وهنا 👌🏻😋👌🏻
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد