→ كل الوصفات

بطاطس بالبشاميل 👍😋

طريقة عمل بطاطس بالبشاميل 👍😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو بطاطس مقطعه شرائح
  • كيلو حليب (وممكن نعمل نصف حليب و نصف مرقه)
  • كوب دقيق
  • 1/2 كوب سمنه او زبده
  • 1/2 كيلو صدور دجاج مقطعه مكعبات
  • 3 حبات بصل مقطع مكعبات صغيره
  • ملح وفلفل اسود حسب الرغبة
  • مكعب مرقه دجاج و نصف ملعقه كركم صغيره و توابل حسب الرغبه
  • 3 ملاعق زيت
  1. هنجيب البطاطس وفي حله او طاسه و نحط شويه من الزيت او السمنه نسبة قليلة و نشوح البطاطس دقيقتين فقط علي نار متوسطة
  2. وبعدين نعمل عصاج الدجاج: هنجيب حله و نحط فيها الزيت و نحطها على نار متوسطه و بعدين ننزل بالبصل نديله تشويحه سريعه و ننزل بصدور الدجاج و نديها تشويحه وبعدين هانحط التوابل والملح و الفلفل الاسود و الكركم ومرقه الدجاج و نسيبها تستوي
  3. وبعدين هنعمل البشاميل: هنجيب حله و نحطها على نار متوسطة و نحط السمنه ولمه السمنه تسخن ننزل بالدقيق و نقلب بمضرب لحد ما يبقى ذهبي و ننزل بالحليب و نفضل نقلب ونضيف الملح والفلفل بس كميات صغيرة ولما نوصل لقوام البشاميل نطفي النار
  4. هنجيب الصينية او البيريكس و نهديها مسحة سمنه وننزل بنصف كمية البطاطس و بعدين ننزل بعصاج الفراخ وبعدين ننزل بباقي كمية البطاطس وبعدين ننزل بالبشاميل و ندخلها الفرن على درجة حرارة متوسطة لحد ما تستوي و بالهنا والشفا 😍😋
عجبتك الوصفة؟
شوف كل وصفاتنا في مكان واحد
كل الوصفات →