→ كل الوصفات

بطاطس باللحم المفروم و شوربة المشروم

جبتها من موقع طهي غربي و كانت سهلة جدا ممكن تتاكل مع مكرونة او رز حبة و حبة او خبز

  • 0.5 كيلو لحم مفروم
  • 4 حبات بطاطس كبيرة مقطعة شرايح
  • قطع صغيرة بصلة متوسطة الحجم مقطعة
  • فص ثوم
  • شوربة مشروم جاهزة للتحضير
  • زيت زيتون
  • فلفل اسود
  • ملح
  • بابريكا
  • توابل اخري حسب الرغبة
  1. اول شئ هنحضر شوربة المشروم عن طريق اننا نضيف البودرة الى كوبين ماء و نقلبهم على النار حتى تمام الامتزاج (هتلاقي الطريقة على ضهر الكيس اللي بتحضري منه)
  2. نسخن قطع البصل و التوم مع ملعقة زيت زيتون و نقلبها لحد ما تبقى بنية و نطلعها و نسيبها على جنب
  3. في نفس الإناء اللي سوينا فيه البصل نضيف اللحم المفروم و نسويها و ممكن نضيف بعض التوابل و المشروم حسب الرغبة و تفضل على النار لحد لحد ما اللحمة كلها لونها يتغير و مش شرط تستوي على الاخر
  4. نحضر صينية و ندهنها من جوا بطبقة رقيقة جدا زيت بعدين نبدا نرص بعض شرائح البطاطس جنب بعضها لحد ما تتفرد في الصينية كلهاو نرش عليها ملح و بابريكا و فلفل, بعدين نضيف جزء من اللحم المفروم لحد ما يغطي البطاطس ثم شوية بصل و نغطيها بطبقة من شرايح البطاطس تاني ثم التوابل و بعدين اللحم و هكذا لحد ما نخلص اللحم و البطاطس و تكون اخر طبقة فوق بطاطس
  5. نصب شوربة المشروم على الصينية من فوق لحد ما تغطي البطاطس كلها و ممكن كمان نضيف جبنة مودزريلا لو حابين
  6. نضع الصينية في الفرن على حرارة 180 لمدة نصف ساعة او حتى تمام سوى البطاطس و بالهنا و الشفا 😄😄
عجبتك الوصفة؟
شوف كل وصفاتنا في مكان واحد
كل الوصفات →