→ كل الوصفات
وصفه متكاملة العناصر ينقصها فقط طبق سلطة لتكون وجبه غذائيه متكامله .. يارب تجربوها وتعجبكم 💙👍 #عروسه_جديده
المقادير
- 1/2 كيلو بطاطس نقشرها ونسلقها
- 1/2 كيلو او 300جم لحم مفروم معصج
- 1 بيضه
- رشة ملح
- رشة فلفل اسود
- 3 معلقه كبيره زبده او سمنه
- 3 معلقه كبيره دقيق
- 1 لتر لبن
- رشة ملح
- رشة فلفل اسود
- مكعب ماجي
طريقة التحضير
- اولا البطاطس اتقشرت واتسلقت وسيبناها تبرد واتهرست ووضعنا عليها البيضه والملح وفلفل وظبطنا طعمها
- اثناء سلق البطاطس عصجنا اللحمه بتاعتنا وطريقة العصاج موجوده على الصفحه عندى
- وبرضه حضرنا البشاميل بتاعنا اثناء السلق مع العصاج والطريقه بنسيح السمنه وننزل عليها بالدقيق لما يحمر ننزل باللبن وبنصب اللبن بأيد وايدك التانيه بتقلب بالمضرب السلك ونصب بالراحه عشان مش يكلكع مننا و نتقله الاول وناخد جزء منه التقيل مقدار كوبايه مج ونضع ع اللحمه ونقلب والنص التانى نخففه بالشوربه او مايه عادى ونقلب
- فى صنيتك البايركس الحلوة او المونيوم عادى انا دهنت دقيق و نزلت بنص كمية البطاطس فردتها بالراحه وخليتها سمك متساوى وبعدين لحمتنا وبعدين باقى البطاطس ثم البشاميل
- دخلتها فرن سخن مسبقا ع ٢٠٠د رف اوسط وشغلت تحت والشوايه مع بعض لحد مالبشاميل بقى تمام خرجتها تبرد وقطعتها لما بردت تماما.. بالهنا والشفا ويارب تعجبكم 🌸
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد