→ كل الوصفات

بطاطس شبسي بطعم الجبنة المتبله

#مقبلات_2020

  • 4 بطاطس مغسوله ومقشره
  • ½ معلقه صغيره من كل
  • بابريكا
  • شطه
  • كمون مطحون
  • ثوم بودرة
  • عصير 2او3لمونات
  • خل من 3 ل4 ملاعق كبيره حسب الرغبه
  • معلقه صغيره ملح
  • توابل فشار بطعم الجبنة من عند العطار
  1. نقطع البطاطس شرائح رقيقه قدر الإمكان بالسكينة أو القطاعه الخاصه بالشرائح في الكبه أو المبشره اهم حاجه تكون رقيقة وشفافه انا بستعمل السكينه عادي عشان اخد الشكل الدائري زي كده في الصوره
  2. بعد لما تخلص تقطيع البطاطس كلها نغسلها كويس وبعدين ننقعها في ماء تغطيها ونحط عليها (الببريكا+الكمون+الشطه+ الثوم البودره+الخل+الليمون +الملح) ونقلبها كويس في الماء مع بعض البطاطس والتوابل عشان البطاطس تأخذ من التوابل كويس
  3. نسيب البطاطس منقوعه فتره يعني لو في نفس اليوم قبلها بساعتين أو ساعة على الأقل عشان تأخذ من التوابل لو مش هنستعملها في نفس اليوم ممكن قبلها بيوم بس نقلل الملح حبه لأنها هتاخد من طعم الليمون ونحطها في الثلاجه لحد وقت الاستخدام
  4. في وقت التحمير (القلي)نحط في زيت غزير ساخن ونقلب كويس عشان نتأكد أن مافيش قطع مسكه في بعض وكل فتره نقلب لحد لما تأخذ اللون الذهبي المقرمش
  5. بعدها وهي لسه فيها نسبة سخونه نتبلها بتوابل الجبنة كويس وممكن نحط معاها شوية بابريكا تخليها تأخذ لون احمر
  6. اخر حاجه تتقدم وبالف هنا
عجبتك الوصفة؟
شوف كل وصفاتنا في مكان واحد
كل الوصفات →