→ كل الوصفات
زى الجاهزه وانضف لأنها من البيت وممكن تغلفى وتعمليها مشروع لو حبيتى🌻
المقادير
- انا عن نفسى فرزت عشره كيلو انتى هاتى الكميه اللى تحبيها
- زيت غزير للقلى
- جهزى مكعبات تلج
- خل
طريقة التحضير
- تغسل وتقشر ممكن تقطعيها يدوى أو تستخدمى الكبه انا عملت نص يدوى ونص كبه 😂غاويه إجهاد
- تغسل جيد جدا وتوضع فى انا عميق فى ماء نظيف وربع كوب خل لو كميه صغيره خلى الخل أقل وعليهم مكعبات تلج وسيبيهم ساعه
- يلا نفضى رخامه المطبخ ونفرش مناديل عشان نخرج عليها البطاطس ونجهزلو الكميه كبيره
- نصفى البطاطس ونفرد فوطه كبيره ونجفف البطاطس كويس قبل القلى
- نبدا نقلى كاننا هنستخدمها بس منسبهاش تتحمر أول ما تتشمع وهتبدا هتاخد لون نطلعها على المناديل نسبها تبرد وتطرد الزيت وتتصفى معندكيش مناديل يلا نستخدم الورق والملازم اللى بندفع فلوسنا عليهم 😂
- لو الكميه صغيره افرديهم على كيس وحطيهم فى الفريز وساعه وطلعيهم وحطى فى كيس واربطيه أو لو عندك جهاز قفلى بيه ولو معندكيش سخنى سكينه تكونى مش عايزها وقفلى بيها طرف الاكياس
- اما لو زيى عدد الولاد مشا الله تفضى رف فى الفريز ويتفرد عليه كيس وتوزعى عليه وتدخلى وعلى ما تكرر العمليه هيكونوا تلجوا تفردى كيس فوقهم وتكملة الكميه بنفس الخطوات وهكذا بس تسيبهم حوالى اربع ساعات وتفرزى فى كيس والف هنا وشفا وده تفريز لرمضان وكل سنه واخواتي المسلمين بالف خير ورمضان كريم 💖
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد