→ كل الوصفات

بطاطس محشية باللحمة المفرومة 🥔🥔

#ابدع_واقتصد

  • كيلو بطاطس حجم صغير
  • 1/4 كيلو لحمة مفرومة
  • 3 بصل متوسطة 🧅
  • جزرة 🥕
  • 4 ثمرات طماطم 🍅
  • 4 ورقه لورا
  • معلقة صغيرة السبع بهارات
  • معلقة صغيرة فلفل اسود
  • معلقة كبيرة ملح
  • 1/4 معلقة صغيرة قرفه باودر
  1. نقشر البطاطس ونقورها بالسمك ذي اللي في الصور ونحمرها في الزيت ونملحها بالملح والفلفل الاسود من جوه ونكون مجهزين اللحمة المفرومة نعصجها بالطريقه العادية خالص ونتبلها بالملح والفلفل والبهارات ونحشي بيها البطاطس في صينية فرن مقاس 30 ننزل ببصلة مقطعه قطع صغيرة نشوحها بالملح والفلفل والبهارات وورق اللورا
  2. وبعدين ننزل بالقلب بتاع البطاطس بعد مل نكون غسلناه كويس ونشوح البطاطس مع البصل وننزل بالجزرة المبشورة وبعدين بعصير ال4 وحدات طماطم وشويه ميه ونسيبها لما تدخل في السوا نرص فوقها البطاطس المحشية لحمة
  3. ونهدى عليها النار ونسيبهم ياخدوا غلوة مع بعض ونتابعها لو احتاجت شويه ميه سخنه نضيف ليها شويه بشويه حسب ما تحتاج وبعدين لما تدخل في السوا نحطها في الفرن تحمر وبالف هنا ونعمل جمبها رز ابيض او رز بلسان عصفور 👍
عجبتك الوصفة؟
شوف كل وصفاتنا في مكان واحد
كل الوصفات →