→ كل الوصفات

بطاطس مسلوقه ومحمره

طريقة عمل بطاطس مسلوقه ومحمره سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 4 حبات بطاطس متوسطه
  • 3 كوب ونصف ميه ونصف معلقه صغيره ملح
  • 1/2 معلقه كبيره ملح
  • رشه كمون اختيارى
  • كوب دقيق
  • معلقه كبيره توابل البطاطس
  • رشه ثوم بودره
  • 2 كوب زيت
  1. نغسل البطاطس كويس جداً وبعدين نضيف الميه ونضيف معلقه الملح فى كسروله كبيره ونضيف عليهم البطاطس ونرفعها علي النار لحد ما تتسلق البطاطس بعد كده نشيل البطاطس من الميه وندخلها الثلاجه تبرد خالص ممكن نسلق البطاطس قبلها بيوم ونخليها فى الثلاجه والخطوه دى مهمه جداً عشان بتحافظ علي قوام البطاطس وتتحمر كويس من غير ما تتكسر
  2. بعد كده نحضر بوله ونضيف الدقيق ومعلقه توابل البطاطس وربع معلقه ملح ورشه الثوم ونقلبهم مع بعض كويس
  3. نقشر البطاطس ونقطعها صوابع بس تكون سميكه شويه ونرص البطاطس فى صينيه كبيره ونرش عليها معلقتين توابل البطاطس وربع معلقه الملح والكمون
  4. نحضر طاسه ونضيف الزيت ونرفعها علي النار تسخن
  5. بعد كده نحط البطاطس واحده واحده في الدقيق ونقلبها كويس وننزل بيها في الزيت ونخليها تتحمر وتبقا لونها دهبى ونصفيها من الزيت على ورق المطبخ
  6. وبالهنا والعافيه
عجبتك الوصفة؟
شوف كل وصفاتنا في مكان واحد
كل الوصفات →