→ كل الوصفات

بطاطس وباذنجان وفلفل مخلل 🥔🍆🌶

وصفة حرشة من الاخر وبالخلطة السرية بتاعتي ، بجد بجد لاااااااااازم تجربوها ومتأكدة هتدمنوها من حلاوتها 👌😋😋😋😋😋😋😋😋😋😋

  • باذنجان مقلي 🍆
  • بطاطس مقلية 🥔
  • فلفل رومي وحار مقلي 🫑🌶
  • رأس ثوم 🧄
  • م ص هريسة شطة 🌶 (في وصفاتي)
  • م ك من : (كمون ، كزبرة)
  • م ص فلفل اسود
  • ¼ كوب زيت
  • فنجان خل
  • 2 م ك صلصة
  • ملح
  • عصير ليمونة كبيرة او اكثر (اساس التتبيلة)
  1. اولا الخضار : قليت بالترتيب (بطاطس) ، بعدين (الفلفل) وخلي بالك الفلفل الحار اعملي فيه فتحة بالسكينة قبل القلي عشان ميفرقعش في الماية ، اخر حاجة قليتها (الباذنجان) بعد ما قطعته شرايح ورشيت عليه رشة ملح عشان ينزل مايته ، بعظين قليته في الزيت لحد لما اخد لون ذهبي ،
  2. ثانيا التتبيلة السرية بتاعتي : في الكبة حطيت (الثوم ، هريسة الشطة ، كزبرة ، كمون ، فلفل ، زيت) واضربهم في الكبة كويس ، بعدين في طاسة انزل التتبيلة واشوحها علي نار هادية لحد لما الثوم يبدأ يطلع ريحته ، بعدين اضيف (الخل ، الصلصة ، الملح) واقلبهم مع بعض شوية ، بعدين اطفي النار واضيف عصير الليمون وكل ما تشتري بيبقي طعمه كاااارثة 👌😋 ،
  3. اخر حاجة انزل التتبيلة علي الخضار المقلي واقلبهم مع بعض براحة ، هاتي بقي العيش وحطي الحاجات الحلوة دي والفلفل الحار واعصري ليمون زيادة لو تحبي ولفي الساندويتش ودوقي بقي وادعيلي وبالف الف الف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →