→ كل الوصفات
يالا بينا وفطار اول يوم رمضان وهو البط ،، وكل سنة وانتم طيبين 📿🌙
المقادير
- بطة مقطعة نصفين
- 2 علبة زبادي
- بصلة
- م ك ثوم
- 2 م ك صلصة
- 2 م ك دبس رمان
- م ك خل
- م ص من (بهار فراخ ، فلفل ، ريحان ، قرفة)
- ملعقة ونص صغيرة ملح
طريقة التحضير
- اولا : في الكبة اضع كل مكونات التتبيلة وافرمهم كويس مع بعض ،،
- ثانيا : بالسكينة واقطع البطة شرايح من فوق عشان التتبيلة تتدخل فيها كلها وابدا اتبلها من برة ومن جوة كويس جدا واسيبها منقوعة ليلة كاملة ،،
- في صينية اضع البطة البطة بالتتبيلة كبها واغطيها بالفويل وادخلها الفرن لحد تمام السوي وبعدين اخد من الدهون اللي نزلت من البطة وبفرشاه ادهن بيها البطة وافتح عليها الشواية تاخد لون وانا هنا زودتها زيادة في السوا عشان بنحبها كدة مقرمش شوية انتي ممكن تخليها افتح شوية😉 وبس كدة ،،
- قدمتها مع (ارز معمر) و (ملوخية) و (كبيبة او كبة مقلية) ، (سمبوسك بالموتزاريللا والخضار) وكلهم موجودي فين وصفاتي ،، وطبعا الخشاف (بلح باللبن) والعصير (عرقسوس) وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد