→ كل الوصفات
معلش معرفتش اصورها كويس📷 انا عملاها من 3 شهور وقت مكنت عروسه جديده اصلي كنت مستعجلة علشان كان عندي عزومه 🎉 دي بطتي الجميله بطريقتي هي عجبت حماتي حبيبتي😘 يارب تعجبكم ☺
المقادير
- بطايه حلوه كده🐔
- 2 كوب فريك متنقي كويس
- 5 فصوص ثوم مدقوقين بشويه ملح بفلفل
- 2 بصلة متوسطة الحجم
- 3 بصلات صغيرين
- 2 مكعب مرقه
- 0.5 كيلو كبده فراخ
- حبهان
- ورق لوري
- بهارات
- سمنه
- بقدونس
طريقة التحضير
- ننظف البطه ونغسلها جيداً بالطريقة المعروفة
- نحضر البطه ونتبلها بملح وفلفل وبهارات من بره وجوه
- (حشوه البطه)
- نحضر البصل ونقطعه صغير ونشوحه على النار في السمنه وعندما يتحول لونه الي الدهبي نضع الكبده المغسوله جيدا والمتقطعه مكعبات علي البصل ونقلب تقلبتين ونقوم بوضع الفريك المغسول جيدا ونقلب
- ثم نضع البهارات والملح والفلفل ونقلب شويه لحد منشوف انها شربت اي مايه فيها وننزل الحشو بتاعنا من على النار
- ثم نحضر البطه ونحشيها بالخلطة بتاعتنا ونغيط مكان الحشو جيدا بخيط ابيض علشان الحشو ميخرجش
- ثم نحضر حله كبيره ونضع فيها ماء علي النار وعندما تغلي نضع البطه ونشيل الريمه اللي هططلع
- هنكون مجهزين الثوم المدقوق ونحمره في معلقتين سمنه وعندما يتحول لونه الي الدهبي نطشه علي البطه
- ثم نقوم بوضع مكعبين مرقه وحبهان وورق لوري و 3 بصلات صغيرين
- ثم نوطي النار حتي تستوي جيدا ثم نخرجها ونضع عليها اي خضار احنا عاوزينه(اختياري) ونضعها في الفرن ونشغل الشوايه علشان تتحمر
- ثم نخرجها ونزوقها بالبقدونس او اي حاجة احنا عايزينها
- ثم تقطع وتقدم بجانب الفريك🍴 وطبق ملوخية 🍜
- وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد