→ كل الوصفات
رمضان على الابواب واحلي اكلة وعزومة هي طبعاً البط #البط #بط_رستو
المقادير
- بط حجم وسط
- 2 طماطم كبير
- 2 بصل كبير
- 2 ليمونه
- 2 فلفل رومي
- 1 ملعقة كبير صلصة
- 2 معلقه خل كبيرة
- 1 معلقه كبيرة مسترده (خردل)
- 2 ملعقة صغير ملح
- 1 معلقه صغيرة فلفل اسود
- 1/2 معلقه صغيرة بصل بودرة
- 1/2 معلقه صغيرة ثوم بودرة
طريقة التحضير
- تغسل البطة كويس ونسيبها تتصفي كويس
- في الخلاط نحط الطماطم والبصل والفلفل الرومي والليمون بقشرة(نقطع كل حاجه على ٤ علشان نسهل على الخلاط)
- ننزل عليهم بالخل والمسترده والملح والفلفل الاسود والثوم والبصل و الصلصة ونضربهم ناعم خالص
- نجيب البطه ونعمل فيها شرايح بالسكينه وننزل عليها بالتتبيله وندعكها فيها كويس جداً جوا وبرة
- نحطها في صينيه الفرن(ويفضل اننا نعملها من بليل ونسيبها في التتبيله ليله أو ساعتين)
- في صينيه كبيرة نحطها على النار وننزل عليها ملعقة الزيت ونسيبها تسخن كويس وننزل بالبطه نشوحها من الاربع اتجاهات لحد متاخد لون ذهبي
- نغلفها بفويل وندخلها الفرن على درجه ٢٢٠ لمده ربع ساعة وبعدين نقلل الحرارة ١٨٠ لمده ساعة ونصف وبعدين نشيل الفويل ونشغل الشوايه لحد متاخد لون ذهبي
- وبالف هنا. ورمضان كريم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد