→ كل الوصفات

بط في الكيس الحراري و محشي ورق عنب

#وصفات_بالفرن

  • بطة متوسطة الحجم
  • بصل
  • فلفل اخضر
  • ورق عنب
  • رز
  • خضرة
  • ملح، فلفل
  • بهارات مشكلة
  • كمون
  • طماطم
  1. غسلت البطة كويس جدا و نقعتها في ميه و ملح و خل و شطفتها جبت بقى طماطم متسبكة ببصل كنت عاملاها و ضيفت عليها ملح و فلفل اسود و بابريكا و بهارات مشكلة و معلقة خل و زيت و معلقة صلصة جاهزة و رشة زنحبيل و معلقة صغيرة سكر و قلبتهم كويس جدا و دهنت البطة كويس من جوة و من برة
  2. قطعت الكبدة و القونصة قطع صغيرة و شوحتهم مع بصل جوانح و فلفل اخضر و رشة ملح و فلفل اسود و حشيت بيهم البطة و كتفتها و دخلتها في الكيس الحراري و عملت فيه اربع فتحات علشان البخار يخرج منها و حطيته في صينية مدهونة زيت و على فرن ساخن حتى تمام النضج
  3. ورق العنب... انا كنت مفرازة نصف مسلوق طلعته من الفريز و جهزت الخلطة طماطم متسبكة ببصل و عليها معلقة صلصة جاهزة و رشة سكر بسيطة و ملح و فلفل اسود و بابريكا و كمون و خضرة مشكلة و عليهم الرز المسؤل المتصفي و قرن فلفل حراق متقطع و شوية زيت و قلبت كويس و حشيت ورق العنب و سويته في حلة الضغط و بألف هنا
عجبتك الوصفة؟
شوف كل وصفاتنا في مكان واحد
كل الوصفات →