→ كل الوصفات

بط محشي

طريقة عمل بط محشي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • مقادير بطة واحدة
  • بطه متنضفه كويس جداً
  • 2 ليمون
  • 4 بصلات كبيرة
  • 150 غ زبيب
  • معلقة كبيرة فلفل اسود
  • معلقة كبيرة ملح
  • معلقة كبيرة كمون
  • خيط وابرة او خله خشب
  • فصين حبهان ومستكه وورقة لورا
  • خل
  • معلقة سكر
  • معلقة زبدة
  • زيت تحمير
  1. اهم حاجه التنضيف هنجيب طبق كبير ونحط فيه ماء ومعلقة سكر ومعلقة ملح ونعصر ليمونتين ومعلقة خل ونسيب البطه فيه مدة معقوله هتفرق في التنضيف والتسوية
  2. هنقطع ٣ بصلات قطع ناعمه صغيرة
  3. ملعقة زبدة في طاسة وننزل بيها البصل ونقلب 10 دقيقة ونضيف الفلفل والكمون والملح والزبيب ونقلب شويه ونخليها على جنب
  4. هنطلع البطه وننشفها كويس جداً بمناديل ونحشيها بالبصل اللي عملناه ونقفل البطه بخيط وابرة كويس جداً
  5. ملعقة زبدة او زيت في حله كبيرة وبصله سليمه مع الحبهان والمستكه ونشوح البطه ونحط ماء ونسيبها تستوي على نار عاليه ثم هاديه
  6. هنطلعها تبرد ونحمرها في الفرن او في زيت وبالف هنا
عجبتك الوصفة؟
شوف كل وصفاتنا في مكان واحد
كل الوصفات →