→ كل الوصفات
#مخبوزاتي #bace_to_school #وصفة_ونصيحة البقسماط محبوب الجماهير فطار وعشا وسناك في النص 😋 مع كباية الشاي او الشاي بلبن 😋 ☕ وبمناسبة الرجوع للمدارس يلا نعمل لولادنا حاجة لذيذة و مغذية وأهم حاجة انها انضف من برة بمراحل كفاية انها في البيت وريحة البيت يتملي بركة وخير 😌 جربوة بطريقتي يارب يعجبكم 🌹 😍
المقادير
- 500 جرام دقيق بسكويت او كل الاستعمالات ويكون منخول
- 2 م ص خميرة
- 1 م ص بيكنج بودر
- 3/4 م ص ملح
- 1 م ك سكر
- 1/4 كوب زيت لو استخدمنا👇 لو مستخدمناش يبقى 1/3 كوب
- 2 م ك زبدة او سمنة (أختياري)
- 1 م ك لبن بودر (أختياري)
- بيضة مخفوقة وعليها رشة نسكافيه و نص ملعقة صغيرة عسل
- بديل البيضة المخفوقة 👈 ماء بسكر ويرش بية البقسماط بعد التخمير
- ماء دافي للعجن
- للنكهات 👈كمون.. سمسم.. حبة البركة.. بابريكا.. زعتر.. ملح خشن
طريقة التحضير
- بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين❤️
- في بولة ننخل الدقيق مع البيكنج بودر والملح واللبن البودرة
- نضيف عليهم الزيت والزبدة او السمنة ونبسهم كويس ودي خطوة مهمة عشان يطلع هش ومقرمش
- نضيف عليهم الخميرة المذابة في نص كوب ماء مع السكر ونقلب ونضيف ماء دافي بالتدريج ونعجنها كويس
- نتركها تختمر ويتضاعف الحجم
- نبدأ في تشكيل البقسماط اصابع رفيعة لانة هيتضاعف في الفرن
- ندهن الوجه بخليط البيض او البديل ونضيف النكهات اللي نحبها
- نتركه يخمر تاني ثلث ساعة ⌚ وندخلة الفرن على حرارة ١٨٠ او ١٧٠ حسب حرارة كل فرن لحد ما ياخذ لون ذهبي فاتح ويبقى مقرمش
- ملحوظة 🤓 ١- ممكن يدخل الفرن على ١٨٠ ربع ساعة وبعدين نهدي النار لحد ١٦٠ تقريبا ربع ساعة تانية لحد ما ياخذ لون ويقرمش ودي بتختلف من فرن للتاني فكل واحدة عارفة طريقة التسوية بتاعة الفرن 😉.. ٢-اللبن البودرة مش اساسي بس بيدي نكهة حلو ولون.. ٣-لما يخرج من الفرن نسيبة يهدي شوية وبعدين نحركة من الصينية عشان ميتكسرش مننا.. ٤- يحفظ في علبة محكمة الغلق.. ٥- السمنة او الزبدة مش اساسي ويمكن الاستغناء عنهم لان الوصفة الأصلية بالزيت بس
- أخيرا اللهم أغفر لجدتي وارحمها واسكنها فسيح جناتك يارب ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد