→ كل الوصفات

بقلاوة بتزيين القطايف على طريقة ماماتي

مقتبسة عن طريقة أمي

  • 4 كيلات فرينة
  • ½ كيلة سمن
  • بيضة
  • قرصة ملح
  • ماء زهر
  • ماء
  • كمية كاوكاو مرحي متوسط
  • لوز
  • كيلة سكر خشن
  • كمية قطايف
  • العسل
  1. نجيبو كيلات الفرينة نحطولها نصف كيلة تاع السمن و نفركوها بين يدينا مليح ثم نزيدولها قرصة الملح و البيضة و نخلطو مليح ثم نجيبو الماء زهر نخلطوه بالماء و نبلو لعجينة ما تكون مبلولة بزاف ما تكون شايحة
  2. ثم قسموها كرات انا حطيت 4 طبقات من الأسفل نخلوها ترتاح شوي ثم نحلو الكرات الواحدة تلو الأخرى نحطوهم في لبلاطو و نديرو بيناتهم السمن كي نكملو جميع الكرات
  3. نحطو الكاوكاو لي نكونو درنالو شوي سمن ذايب و كيلة سكر حرش و شوي ماء زهر و نستفوه مليح ثم نجيبو لقطايف لي نكونو حليناهم و شبعناهم سمن نحطوهم من الفوق
  4. نبداو نقطعو البقلاوة مربعات حسب الرغبة اذا تحبيهم كبار ديريهم كبار و إذا تحبيهم صغار ديريهم صغار
  5. ندخلوها للفرن طيب على درجة حرارة 160 و نحطوها الفوق طول تقريبا تدي ساعة فالطياب كي نشوفو الجوانب طابو نفتحولها من الفوق يتحمرو لقطايف
  6. كي نخرجوها من الفرن مباشرة نعسلوها بعسل بارد و نخليوها ليلة كاملة تبات
  7. ملاحظة انا خدمت بكيلو تاع الكاوكاو داتلي لعسل كيلو واذا خدمتو بزوج ديرو زوج عسل و بصحتكم
عجبتك الوصفة؟
شوف كل وصفاتنا في مكان واحد
كل الوصفات →