→ كل الوصفات
#تحدي_الحروف &#حرف_الباء& #معسلاتي_الحلوة تعودت نعمل بقلاوة عادية بالعجين فقط وليوم حبيت نتعمل حاجة جديدة من عند مطبخ أم أسيل
المقادير
- مقادير عجينة الوجه السفلي للبقلاوة:
- 5 كيلات فرينة بالفنجان بين 180الى 200مل لانها لجهة سفلية فقط
- كيلة سمن ذايب
- 1/2 ملعقة صغيرة ملح
- كيلة الا ربع ماء الزهر وكملتها بماء عادي
- للوجه العلوي : كيس قطايف بوزن 300 _400 غ
- 250 غ سمن ذايب
- للحشو: 700غ كاوكاو محمص ومطحون مدشش
- كيلة سكر خشن
- ملعقتين اكل الى ثلاثة فقط ماء الزهر
- عطر فانيلا حسب الرغبة
- رشة قرفة حسب الرغبة يمكن الاستغناء عنها
- مايزينة او فرينة لتشكيل الطبقات
- كيلو ونص عسل لانو سينية تاعي كبيرة
طريقة التحضير
- اولا نحضر لعجينة تاعي تكون طرية ضروري ونشكلها خمس او ست كريات ثم نخليها ترتاح من 5ساعات او اكثر ومن الاحسن تبات ليلة كاملة
- نحضر المكونات الاخرى على جنب بعدما ترتاح مباشرة نوجد السنيوة تاعي ندهنها بالسمن او الزبدة ونرشها بالمايزينة
- نبسط الكرية الاولى على سطح العمل مرشوش بالنشاء ثم نحلها بين كيسين بلاستيكيين ونقلبها في الصينية ونكمل كل الكرات بحيث ندهن بين كل كريتين بالزبدة او السمن بواسطة فرشاة
- كي نكمل الطبقات السفلية نحضر الحشو بحيث نفرغ ملعقتين ماء زهر 🌼 على الكاوكاو ونفتله باصابع يديا حتى يمتزج السكر مع الكاوكاو ومالازمش يتعجن فقط يترش ويتبلل بلاما يتشمخ ثم نبسطه على الطبقات السفلية في السنيوة على مستوى واحد
- نفتح كيس القطايف ونفكك بيديا في سنيوة واسعة ونزيل التكتلات ثم نبقى نشمخ فيهم بالسمن الدايب حتى يتشربو قليلا نرفدهم على الكاوكاو ونسويهم بظهر ملعقة على نفس المستوى ثم نضيف عليه بقية السمن بواسطة فرشاة
- ندخلها للفرن مسخن جيدا على درجة حرارة متوسطة في الرف العلوي مدة خمسين دقيقة نجدها تحمرت في الاطراف نطفي ونشعل من الاعلى نار ضعيفة لكن نحرس ان ننزله للرف السفلي ونخليه عشرة دقايق فقط
- نخرجها ساخنة ونفرغ عليها العسل ذو القوام متوسط الذي يكون بارد نخليها تبقى فالعسل ليلة كاملة او يوم كامل او يومين ثم نقطعها ونقدمها فالمناسبات
- بنة رائعة رائعة رائعة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد