→ كل الوصفات

بقلاوة جلاش

طريقة عمل بقلاوة جلاش سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • لفه جلاش
  • كوب سكر
  • 1/2 كوب ماء
  • 1/2 كوب سوداني محمص
  • نقطه الوان طعام لون اخضر
  • 1/2 كوب سمنه سايحه
  • نقطه ريحه فستق
  1. نفرد الجلاش على رخامه نضيفه ونلف كل خمس ورقات جلاش مع بعض وبين كل ورقه جلاش والتانيه ندهن سمنه ب الفرشه ونعمل كدا في كمية الجلاش اللفه الواحدة هتعمل ٣ رول نرصهم في صينية مدهونة سمنه خفيف ونقطعهم مثلث بنفس الشكل اللي في الصورة
  2. ندهن الوجه ب سمنه ندخله فرن سخن لمدة ١٥ دقيقه او لحد ما ياخذ لون ذهبي
  3. نحضر الشربات نحط كوب سكر على نص كوب ماء ونحطهم على النار من غير تقليب وبعد ما السكر يذوب نحط رشة فانيلا اختياري ونسيبه يبرد
  4. نعمل السوداني فستق ف مطحنه هنحط السوداني وعليه نقطة لون طعام اخضر وطعم ريحه فستق بيتباع عند اي محل مستلزمات حلويات اسمه ريحه فستق نحط نقطتين منه على السوداني في المطحنه ونطحنهم
  5. دا شكل السوداني بعد الطحن
  6. لما الجلاش ياخذ لون ذهبي نحط عليه الشربات ونرش عليه السوداني اللي بقى فستق ويتقدم ب الف هنا
عجبتك الوصفة؟
شوف كل وصفاتنا في مكان واحد
كل الوصفات →