→ كل الوصفات

بقلاوة على طريقة أمي 😍😙

طريقة عمل بقلاوة على طريقة أمي 😍😙 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • العجين
  • 3 كيلات فرينة (طحين او دقيق)
  • كيلة واحدة زبدة ذائبة
  • رشة ملح
  • ماء زهر
  • الحشوة
  • 3 كيلات كاوكاو محمص و مرحي او لوز و جوز
  • كيلة ناقصة صبع سكر عادي
  • كمية من ماء الزهر
  • ملعقة طعام زبدة
  • منكه ذوق جوز او لوز في حال ستعملتي كاوكاو
  • شوية لوز او كاوكاو مجمول باه نرشقوها
  • كمية مليحة من الزبدة
  • عسل من الاحسن المرجان
  • كمية من نشاء ولا فرينة (طحين او دقيق) باه نفتحو لبات
  1. نبداو بالعجين نكيلو الفرينة (طحين) و زبدة الذائبة و نبسوها مليح و من بعد نذوبو لملح في ماء الزهر و نبلوها نخلطوها شوي و نخلوها ترتاح في كيس بلاستيكي
  2. بعد ما ترتاح لعجين نقسموها لستة خبزات صغار متساويات و نوليو نحضرو الحشوة
  3. نكيلو لمكسرات تاعنا و نزيدو السكر و نلموهم بماء الزهر غير بشوي ما لازمش نردوها عجين جارية و لكان حبينا نديرو لمنكه و مع الاخير نزيدو ملعقة الزبدة و نخلطو و نحطو الحشوة بجيه
  4. نوليو للعجين نديرو شوي نشاء باه ما تلصقش و نبداو نفتحو فيها رقيقة و من بعد ندهنو لمول بزبدة ذايبة و نفرشو اول طبقة و نزيدو ندهنوها بزبدة و نفتحو تاني طبقة و ندهنو و نزيدو ثالث طبقة المهم لازم بين كل طبقة و طبقة زبدة
  5. كي نوصلو للطبقة ثالثة نصبو الحشو و نحاولو نسويوه في الصينية و نرجعو نكملو ثلاث طبقات تاع العجين لي بقاو بنفس الطريقة بين كل طبقة و طبقة زبدة ذايبة
  6. مع الاخير نقطعو الاطراف الزايدة و نقصو لبقلاوة تعنا و نرشقوها بالمكسرات و نصبو عليها حوالي كاس زبدة ذايبة و من الاحسن نغطوها و خليوها تبات
  7. غدوة مين داك نطيبوها على حرارة متوسطة من تحت حتى يحمارو الاطراف و من فوق و كي نخرجوها من لفرن هكداك سخونة نديرلها حوالي كاس برك عسل مناه كون نكترولها تولي تتفتت و ما تتلمش لحبة
  8. نرجعوها للفرن بعد ما طفينا النار و هو سخون و نخلوها تشرب حتى تبرد و نقدرو نقطعوها عادي
  9. بالصحة
عجبتك الوصفة؟
شوف كل وصفاتنا في مكان واحد
كل الوصفات →