→ كل الوصفات
#تحدي_وصفات_المحلات
المقادير
- العجينة
- 4 كيلات فرينة
- كيلة سمن+زبدة ذائبة
- حبة بيض
- ½ م ص ملح
- فانيلا
- كيلة ما بين ماء زهر والماء
- الحشو
- ⅓ كيلات كاوكاو (فول سوداني) محمص ومرحي معمرين مليح (بومبي)
- ½ كيلة سكر
- 4 م ك زبدة ذائبة
- ½ م ص قرفة اختيارية
- عطر اللوز
- ماء زهر حسب الحاجة
- التزيين
- علبة تاع زبدة تاع 500غ معمرة عسل
- حبات لوز او كاوكاو (فول سوداني)
- زبدة+سمن ذائب حسب الحاجة
طريقة التحضير
- بعد الصلاة و السلام على رسول الله نبدأ. نأخذ قصعة نضع الفرينة، حبة بيض، فانيلا ونعمل حفرة في الوسط، نفرغ خليط الزبدة والسمن ونبسس بايدي مليح ثم نجمع بخليط الماء وماء الزهر لنكون دوبنا فيه الملح حتى نتحصل على عجينة متماسكة وطرية ورطبة
- نغطيها ونخليها ترتاح على الاقل ساعة ومن الاحسن نديرها من ليلة قبل تجي روعة وتساعدنا بزاف في الخدمة
- الحشو: نأخذ وعاء نضع الكاوكاو، السكر، عطر اللوز، القرفة نخلط الكل مليح ثم نبدأ نفرغ في الماء الزهر حتى نتحصل على خليط ما جاري ما ملموم كيما اي مثل العجينة خليط مفتت ومشمخ ونخليه بجهه
- بعد ما ترتاح العجينة نقسمها كرات صغيرة ونغطيها ونبدأ نخدم بالكرية ناخدها نبسطها ونقسمها على اربعة قطع او ستة نأخذ بالقطعة نحلها شوية بالحلال ثم نفوتها في الماشينة (الماكينة تاع البقلاوة) في الرقيقة ونبدأ نستف بالقطعة (على شكل شريط طويل) في صينية مدهونة بخليط السمن والزبدة وهكدا حتى نغطي قاع الصينية بشرايط العجينة
- ثم ندهنهم بخليط الزبدة والسمن ثم نعيد نفس العملية نزيد شرايط العجينة رقاق فوق الطبقة الاولى حتى نكمل ستة طبقات نفرش الحشو ونسويه مليح وبنفس السمك
- ثم ندهن وجه الحشو بخليط السمن والزبدة ونغطيه بالعجينة وذلك باعادة نفس العملية لي طبقناها من الاسفل لكن نديرو خمسة طبقات وبين كل طبقة وطبقة ندهنو بخليط السمن والزبدة ثم نقطعوها الى مربعات او مقرودات ونزينوها بورود نكونو صنعناهم من نفس العجينة بطابع صغير تاع الوردة ونغرسو مليح في الوسط كل حبة بقلاوة حبة لوز او كاوكاو وندهنو الوجه بخليط السمن والزبدة
- وندخلوها الى الفرن الساخن حتى طيب وتاخد اللون الذهبي الجميل نحيها ونسقيها بالعسل مباشرة ونخليها تتشرب مليح وترتاح لاكتر من 3 ساعات ثم نقطعها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد