→ كل الوصفات

بلح الشام بالكريمة والمكسرات😋💓

#حلويات_رمضان ومن أحلى حلويات رمضان😍👌🌙

  • 1 كوب ماء
  • 1 كوب دقيق
  • 1/4 كوب زيت
  • رشة ملح
  • 1 ملعقة صغيرة سكر
  • 3 بيضات
  • 2 ملعقة كبيرة بودرة كاسترد أو نشا
  • 1 ملعقه صغيرة خل
  • 1 كيس فانيليا
  • لعمل الشربات نحتاج
  • 1 و 1/2كوب سكر
  • 1 كوب ماء
  • 1 كيس فانيليا
  • 1/2 ملعقة صغيرة عصير ليمون
  • كريم شانتي للتزين
  • مكسرات (لوز_عين جمل_بندق)
  1. أولاً في حله علي النار نضع الماء والزيت والسكر والملح لحد لما يغلو على النار وبعدين نضيف الدقيق وبودرة الكاسترد وممكن تستبدلي بودرة الكاسترد بالنشا إللي متوفر عندك وبعد كدة نقلب الخليط كويس جداً على نار هادية لحد لما يتكون كورة ويتماسك مع بعض وبعد كدة نقفل النار علية ونضع العجينة في طبق غويط ونسبها تبرد خالص😍
  2. بعد لما تبرد نضع واحدة من البيض ونخلطهم مع العجينة بمضرب كهربائي أو بمضرب سلك يدوي وبعد كدة نضع البيضة التانية ونخلطهم وبعد كدة نضع البيضة التالتة والفانيليا والخل ونخلطهم مع بعض كويس لحد لما تتكون معانا عجينة ملساء 😍
  3. نحضر كيس الحلوانى ونضع فية العجينة ونحضر مقلاية نضع فيها زيت وبعدين نشكل العجينة على شكل بلح الشام ننزل العجينة ونقطع بمقص مقاس بلح الشام المناسب ليكي بس لازم الزيت يكون بارد وبعد كدة حوطي المقلاية على النار وحمري بلح الشام وخلصي كل الكمية ولما يتحمر هتحوطية في طبق غويط وعلية الشربات يكون بارد ولازم الشربات يكون بارد وتقيل وبلح الشام سخن عشان يكون مقرمش وميكونش طري معاكي😍
  4. بعد لما بلح الشام يبرد ويشرب الشربات بنجيب واحدة ونفتحها بالسكينة وبعدين نحشيها بالكريم شانتي ونكمل كل كمية بلح الشام كدة وبعدين نزين بلح الشام بالمكسرات وقدمية بعد كدة بجد روعة وتحفة جربية هيعجبك طعمة جداً وبالهنا والعافية يارب 😘😍👌🌹
  5. لعمل الشربات :بنجيب حلة ونضع فيها السكر والماء والفانيليا وعصير الليمون ونسيب الشربات على النار حوالي ٧ دقائق لحد لما يتقل ويكون قوامة مثل العسل ونستخدمة بعد كدة لما يبرد😍
عجبتك الوصفة؟
شوف كل وصفاتنا في مكان واحد
كل الوصفات →