→ كل الوصفات

بمناسبة شم النسيم...الفسيخ المصري البيتي

طريقة عمل بمناسبة شم النسيم...الفسيخ المصري البيتي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • سمك بوري
  • ملح
  • شطة
  • كركم
  • شعرة كمون
  1. نجيب السمك البوري نشطفه شطفة واحدة و ننشفه بفوطة نضيفة و نوقف السمكة جوة زجاجة بحيث تكون راسها لتحت و ديلها لفوق و نسيبها ع الوضع ده لغاية ما تنشف تماماااا بعدين ننشف جوة الخياشيم كويس جدااا بفوطة نضيفة
  2. نعمل خلطة من الملح و قليل من الشطة و الكركم و شعرة كمون و يفضل يكون ملح خشن لو مش موجود نستخدم ناعم عادي بس نقلل الكمية
  3. نجيب كيس نضيف نحط عليه جزء من خليط الملح و نحشي خياشيم السمكة برضه و نحطها فوق الكيس و نحط فوقها باقي الملح ونلف الكيس ع السمكة بحيث نخرج كل الهوا و ناخد الكيس نحطه ف كيس تاني و تالت و هكذا حوالي 7 او 8 اكياس و نقفلهم كويس اوي و نحط السمك ف اي ضلفة مطبخ و كل يوم نقلبها علي جنب....نفتح عليها بعد 15 يوم لو الجو حروبعد 20 يوم لو الجو بارد
  4. تنضف السمكة و يوضع عليها زيت و لمون و بالهنا و الشفا...طبعا انضف و اامن من الجاهز
عجبتك الوصفة؟
شوف كل وصفاتنا في مكان واحد
كل الوصفات →