→ كل الوصفات
#ختامها_السلام 🙏🌸 اللهم صلّ وسلّم وبارك علــى سيّدنـا محمد، وصفــة اليـوم بناكوتا هي حلوى إيطاليّة مشهـورة في كلّ أنحاء العالم، تتكوّن من الكريمة السائلة والحليب والسكر وخليط من الجيلاتين، تقـدَّم باردة وتزيَّن على الوجه حسب الرغبة بالكراميل ، كولي الفواكه الحمراء أو بصلصة الشكولاتــة تجي بنينـة 😋🍮😋 في كل الحالات، تحلية سهلة و بسيطــة، نتمـــنى تعجبكــم الطريقة، أمسية دافئة أحبتي💐💖💐.
المقادير
- 350 ملل كريمة سائلة
- 150 ملل حليب
- 80 غ سكر
- ملعقة صغيرة فانيلا
- لماس الجيلاتين نحتاج
- 10 غ بودرة الجيلاتين حلال
- 3 ملاعق كبيرة ماء
- للتزيين نحتاج
- صلصة الشكولا الجاهزة أو توبينغ
طريقة التحضير
- نحضر كل المكونات ونبدأ بإسم الله، أولا نحضر ماس الجيلاتين في غرفية صغيرة نحط الجيلاتين بودرة ونضيف عليه الماء نخلط مليح ونخليه ينتفخ بجيه
- من جهة اخرى نحط الكريمة السائلة في كاسرونة نزيد عليها الحليب والسكر والفانيلا نخلط بارد في بارد ونحطها فوق النار تكون متوسطة. ملاحظة مهمة: ✔نوعية الكريمة السائلة مهمة باش تجي هاذ البناكوتا بنينة
- كي تسخن شوية قبل ما تغلي نضيف عليها ماس الجيلاتين ونخلط الكل جيدا ونرجعها للنار
- نخليها فوق النار حتى ترفد الغلية نطفي عليها ونبقى نحرك حتى تهدا شوية عاد نفرغها في كؤوس أو علب صغيرة كما درت أنا
- نغلق عليهم ونخليهم فوق سطح المطبخ حتى تبرد تماما وندخلها للثلاجة لحين الإستهلاك. للأمانة خليتهم ليلة كاملة بردو على خاطر خاطرهم هههههه
- قلبتهم في صحن التقديم
- ومن فوق زينت بصلصة الشكولاتة الجاهزة أو التوبينغ يبقى التزيين إختياري وحسب الموجود
- وهـا هـي واجـدة 👌🏻وتقدّم بألـف صحــة وهنـا 😋
- تجي بزاف😋🍮😋 بزاف بنينة وشهية طيبة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد