→ كل الوصفات
11.4.2020 15.4.2020
المقادير
- فراخ مقطعة مكعبات 🐔 صدور أو وراك الكمية اللي تحبوها
- للتتبيلة
- كوباية زبادي (على حسب كمية الفراخ هنزود طبعاً)
- ماء
- معلقتين خل
- ملح وفلفل اسمر حسب الرغبة
- رشة بودرة بصل
- رشة بودرة ثوم
- شطة (اختياري) 🌶️
- التغطية (Cover) للقلي
- كوب دقيق
- ¼ كوب نشا
- ملح وفلفل اسمر حسب الرغبة
- رشة بودرة بصل
- رشة بودرة ثوم 🧂
- رشة بودرة مسطرة
- رشة بودرة زنجبيل
- رشة بابريكا 🧂
- شطة (اختياري) 🌶️
- زيت غزير للقلي
طريقة التحضير
- بخلط مكونات التتبيلة كلها على بعض مع الفراخ ويُفضل نسيبها في الثلاجة من بليل ونغطيها كويس بكيس ثلاجة عشان يبقى اللحمة نفسها فيها من طعم التتبيلة مش بس القشرة لكن لو ما لحقناش ممكن ساعتين مثلاً بتكون حلوة برضوا
- تاني يوم هطلعها من التتبيلة واكون خلطت بهارات التغطية كلها مع بعض مع الدقيق والنشا واغطي بيها مكعبات الفراخ كويس
- بعدين هنزلها في ماء فاترة من الحنفية عادي يادوب بس تتبل وارجع تاني احطها في الدقيق واغطيها كويس بيه وعلطول انزل بيها في زيت غزير سخن 🔥
- اهدي النار شوية عشان تستوي من جوة وهي ما بتاخدش وقت خالص بالهنا💛💛
- لو بتحبوا الأكل السبايسي زودوا شطة وبابريكا بتبقى سبايسي 🌶️ولونها جميل❤️ بقدمها مع البطاطس المقرمشة والمعكرونة بالصوص الأحمر والجبنة هتلاقوهم عندي في الوصفات ♥️♥️ او مع الممبار والمحشي برضوا جميلة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد