→ كل الوصفات

بودينج البطاطس 🥔

وصفتي لحلو رأس السنة ، الوصفة دي جديدة ومش معتادة خالص ، جوزي اكلها برة مصر بس مش كدة ، انا بقي اخدت الفكرة وعملت البطاطس بطريقة جديدة وسميتها بودينج البطاطس وطلعت احلى من اللي اكلها😉 اللي جرب وصفاتي وبيثق فيا جربوا الوصفة دي وعلى ضمانتي بجد وتحدي وصفة جميلة ودافية اوووي 😋 كل سنة وانتم طيبين وربنا يجعلها سنة سعيدة علينا كلنا يارب 🌲🎁🎊❤

  • 3 بطاطس مسلوقة ومهروسة
  • كوب الا ربع لبن
  • م ك سمنة
  • بيضة
  • كيس فانيليا
  • ½ كوب سكر ناعم
  • 2 م ك دقيق
  • م ص بيكنج باودر
  • سكر
  1. في بولة اخلطي بالمضرب اليدوي المكونات السابقة مع بعض بالترتيب ، او اضربي كل المكونات السابقة في الخلاط على طول ،
  2. في طاجن مدهون انزل بالخليط وادخله الفرن لحد لما يستوي والاطراف تأخذ لون ،
  3. بعدين اطلعه واحط على كل طاجن ملعقة صغيرة سكر وافردها وبعدين ادخلها تحت الشواية لحد لما السكر يتكرمل ويسيح وبس كدة ،
  4. هتطلع معاكي مقرمشة من برة وطرية ودافية اوووي من جوة وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →