→ كل الوصفات

بودينج الكراميل

#صدقة_جارية #وصفة_ونصيحة #حلويات #الشيف_الذهبي #الاثنين

  • 4 أكواب كريمه خفق حلويات
  • 1/4 كوب نشا
  • 6 م ك ماء
  • 2 م ك فانيليا سايلة
  • رشة ملح
  • 1/2 (1 كوب) سكر ابيض
  • باكيت بسكويت كبير سادة
  • م ك سكر
  • رشة قرفة
  • م ك زبدة سايحة
  • 1/2 كوب زبدة فول السوداني
  • 1/2 كوب كريمه خفق حلويات
  • 1/2 كوب سكر بودرة
  • م ص فانيليا سايلة
  • كريم شانتيه حسب حجم الكاسة او حسب رغبتك في تزيين
  • بندق مكرمل (اختياري) او بسكويت مفتت
  • صوص كراميل حسب الرغبة
  1. نصيحة بس قبل بدأ الوصفة : اولا بالنسبة للبودينج مش لازم نحط ٤ اكواب كريمه خفق شوفي الكمية بمستوى عينيك بيكفي من ٢ كوب ونص الى ٣ اكواب
  2. وبالنسبة للبسكويت لو بسكويت مسكر بلاش تحطي ملعقة كبيرة سكر كاملة قللي خليها نص ملعقة سكر علشان ماتبقاش مسكرة اوفر
  3. للبودينج: يرفع السكر مع الماء على نار حتى يصبح لونه ذهبي زي ماتحبيه ذهبي فاتح زي مانا عملت او غامق قريب للكراميل براحتك المهم انه يكرمل شوية
  4. ونضيف إليه الكريمة ويقلب حتى يتختلطوا تماما مع رشة ملح بعد كده نذوب النشا مع ملعقة كبيرة من الكريمة وممكن تحتاج اكتر من ملعقة المهم تذوب كويس والفانيليا معاها ونضيفهم للخليط اللي على نار و نقلب كويس على بودينج لحد مايبقى القوام متوسط السمك نقفل عليه ونحطه في اكواب تقديم ونسيبه يبرد تماما
  5. للبسكويت: هنجيب كبة نحط فيها بسكويت و الزبدة السايحة وسكر وقرفة ونفرمهم في الكبة لحد ماتديني قوام بسكويت متفتت بس تحسي لما تمسكيه انه ممكن يتشكل في ايدك طريقته زي بسكويت بتاع تشيز كيك اول لما يعمل كده حطيه على طبقة بودينج البارد
  6. الكريمة: بعد كده نجيب بولة نحط كريمة الخفق و نضربها بالمضرب كويس لحد مايتكاثف حجمها وبعدين نضيف ليها سكر بودرة و فانيليا و زبدة الفول السوداني ونخلطهم بالمضرب كويس جداً وبعدين نحطها على طبقة بسكويت اللي فوق بودينج بواسطة كيس حلواني او بمعلقة على حسب ماتعرفي وسيبيها تبرد في تلاجة شويه تمسك نفسها
  7. وبعدين نزينها بالكريم شانتيه (الكريمة المخفوقه) مع بسكويت او بندق مع صوص كراميل وبألف هنا 💖😍
عجبتك الوصفة؟
شوف كل وصفاتنا في مكان واحد
كل الوصفات →