→ كل الوصفات
#إعادة_تدوير_الطّعام اللهم صـلّ وسلّـم وبـارك علـى سيّدنـا محمد، حبيــت نشـارك معاكــم اليـوم بـوراك بحشو الأرز والتونة تحت شعار #اطبخها_لا_ترميها، وصفة سهلة وسريعــة وبزاف 👌🏻😋👌🏻 بنينة نقدمو مــع غرفيــــة حريـــرة بمكونـــات موجـــودة فـــي كــل بيــت، جربتهــا على طريقــة الشــاف 👩🏻🍳@cook_24694712 المتميزة بوصفاتهـــا اللذيذة، أنا برك ما قليتــش الحشــو، نقــولك حبيبتي في ميزان حسناتــك إن شاء الله، رانـا توحشنا وصفاتك إن شاء الله المانع يكون خير، أمسية هادئة أحبتــــي 💖. #البوراك
المقادير
- كاس ونصف أرز مسلوق في الماء والملح
- 02 علب تونة بالزيت
- حبات من الزيتون الأخضر مقطع رقيق
- حبة بصلة مشحرة في القليل من الزيت والملح
- قطعة من الجبن الطري
- القليل من المعدنوس
- التوابل
- ¼ ملعقة صغيرة كركم
- ½ ملعقة صغيرة تابل البوراك
- على رأس الملعقة الصغيرة فلفل أسود
- الديول حسب الحاجة
- زيت للقلي
طريقة التحضير
- نبدأ على بركة الله، في إناء نحط الأرز المسلوق مع علبتي تونة صفيتها من الزيت والزيتون الأخضر مقطع رقيق، والبصلة شحرتها في شوية زيت ورشة من فلفل أسود حتى تكرملت وعطاتني لون ذهبي ضفتها على الأرز وضفت الجبن الطري (المقدار حسب الرغبة) ثم نضيف التوابل (الكركم والفلفل الأسود وتابل البوراك) نخلط الكل جيدا حتى تتجانس كل المكونات وفي الأخير نضيف القليل من المعدنوس مقطع رقيق وندخلو مليح في الخليط. ملاحظة مهمة: ✔كان بقالي مقدار كاس ونصف من الأرز من سلطة كنت درتها من قبل
- قسمت دائرة الديول على إثنين، وعاود طويتها بالطول على إثنين وحطيت لحشو في الطرف وغلقت على شكل مثلث (كيما الصامصة). ملاحظة مهمة: ✔اوراق الديول لازم يكونو محفوظين في الكيس الخاص بيهم نجبد بالوحدة باش ما ينشفوش
- عمرت كامل الديول اللي عندي بنفس الطريقة، في مقلاة حطيت شوية زيت وخليتها تسخن من بعد وضعت البوراك ونقصت شوية على النار وخليتو يتحمر من كل الجوانب، واللي تتقلى نحيها ونحطها فوق ورق ماص
- وقدمتهم بألف صحة وهنا 😋👌🏻😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد