→ كل الوصفات

بوريه باللحمة المفرومة

#المريول_السوبر أكلة خفيفة وسريعة ومغذيةومش مكلفة ينفع ياخدوها الولاد في اللانش بوكس للمدرسة أو الناس الي بتشتغل ومش بتحب الاكل الجاهز مع شوية سلاطة أكلة متكاملة العناصر الغذائية

  • ونص كيلو بطاطس
  • كوب لبن
  • كوب كريمة لباني
  • 1/2 كيلو لحم مفروم
  • 4 بصلات كبار
  • 1 بيضة
  • معلقة الملح
  • معلقة الفلفل الاسمر
  • معلقة بهارات اللحم
  • 4 ملاعق كبار جبنة مبشورة (اختياري)
  • معلقتين سمن
  1. نسلق البطاطس كويس ونقشرها ونهرسها هرس ناعم اوي و نضيف الكريمة اللباني أو اللبن تدريجيا مش لازم نستخدم الكمية كلها لازم تكون كدة زي الصورة طرية بس مش سائلة
  2. نحضر اللحمة ،، نبشر البصل ونشوحه بحتة سمن ونزل عليه باللحم المفروم ونقلب كويس لغاية اللحمة ما يتغير لونها ونضيف البهارات الملح و الفلفل و بهارات اللحم ونقلب كويس ونسيبها على نار هادئة لغاية ما تشرب السوائل كلها
  3. نحضر صينية ندهنها بحتة سمنة وننزل بنص كمية البطاطس ونفردها في الصينية وياريت لو تخلي صور للبطاطس ونضيف اللحمة عليها ونفردها مع رشة جبنة مبشورة
  4. نفرد باقي البطاطس على اللحمة ونغطيها كويس
  5. نضرب البيضة مع باقي الكريمة اللباني مع ملح وفلفل ونفردها على وش الصينية مع شوية جبنة وتدخلها الفرن نشغل الاول الفرن من تحت لما تستوي من تحت لو الوش مش احمر نشغل الشواية شوية لما الوش يحمر خرجيها من الفرن وغطيها تهدأ شوية وبالف هنا
عجبتك الوصفة؟
شوف كل وصفاتنا في مكان واحد
كل الوصفات →