→ كل الوصفات
انا نحب كل شي بنين نجربو ...ولحمدلله اكلي كل من تذوقو يشهدلو بالبنة نتمنا نزيد نتعلم منكم كتر
المقادير
- كمية من البطاطا حسب افراد العائلة
- 1 كيلو مرقاز (نوع من السجق)
- 2 حبات طماطم
- 1 مغرفة كبيرة طماطم مصبرة
- سنينات ثوم
- ملح
- فلفل اسود
- كمون
- زيت
- حليب سائل
- زبدة
طريقة التحضير
- نقشرو بطاطا ونطيبوها في الماء مع كمية ملح.من بعد نرحيوها فرحاية يدوية من الأفضل بالنسبة ليا. ونضيفولها حليب وزبدة حتى تولي ماتقيلة بزاف ما مطلوقة يعني نص نص
- من بعد نغسلو مرقاز (نوع من السجق) ونقطروه ونقسموه ونشدو حبيبات منو نفرغوهم في مقلاة(نحوهم مالمسران)ونقلو الحشوة تاعهم ومن بعد نضيفلها كمية زيت وثوم وطماطم مصبرة تاعي ونحمسوهم كامل. من بعد نضيف طماطم حب وملح وفلفل وكمون وكاس من الماء ونخليوهم يتقالو تولي صلصة عاقدة ونطفي نار
- اقلي المرقاز المتبقي.الاختيار ليك تحبي تحطيه هكاك مقلي فقط او ترجعيه في الصلصة تاعك وبصحة وراحة 😘😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد