→ كل الوصفات
كلنا بنحب للبيتزا وبتغلبنا في عملها النهاردة عملت بيتزا سهلة من التوست وعلى الطاسة حلوة جداً عليالفطار وممكن تقدميها سناكس في نص اليوم وتديها للاطفال في الانش بوكس
المقادير
- 4 شرايح توست " نضاعف الكمية لو عيزين كمية اكبر
- 4 حبات فلفل اخضر
- 2 حبة فلفل احمر
- 1 حبة كبيرة فلفل اصفر
- معلقتين كريمة طهي انا استخدمت جهينة
- 4 وحدات سوسيس السوسيس تقدروا تستبدلوا باي حاجة عندك مناسبة
- 4 ملاعق كاتشب
- ½ معلقة ملح صغيرة
- ¼ معلقة فلفل اسود
- ½ ملعقة كمون
- رشة توابل فراخ
- معلقتين زيت زيتون
- 4 حبات طماطم
طريقة التحضير
- هنجيب ٤ شرايح توست ونحطهم عليىالترابيزة وبعد كدة لعمل الحشو هنقطع السوسيس قطع صغيرة ونحط في طاسة تيفال ملعقة زيت صغيرة ونقلب بمعلقة خشب
- بعد كدة هنقطع الخضار طماطم وفلفل اخضر واحمر ونحطهم على السوسيس ونقطة مياه ونقلب
- و بعد كدة نحط معلقتين كريمة طهي انا حطيت كريمة طبخ جهينة ونقلب كويس
- بعد كدة نحط التوست في طاسة غيرها تيفال مدهنة زيت زيتون ونحط عليه الحشو بالطريقة دي
- بعد كدة نرش الجبنة الموتزاريلا بالطريقة دي ونغطيها بغطاء علشان الجبنةتسيح على نار هادية
- و بعدكدة نشيل الغطاء وتبقي كدة
- و نقدمها اخيرا بالشكل ده والف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد