→ كل الوصفات

بيتزا التونه

طريقة عمل بيتزا التونه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كوبين دقيق منخول
  • معلقة بيكنج بودر صغيرة
  • معلقه كبيره خميره
  • معلقة سكر كبيره
  • رشة ملح
  • ماء دافيه
  • معلقتين لبن بودرة اختياري
  • 4 معالق كبار زيت
  • مكعبات طماطم
  • فلفل اخضر
  • علبة تونه متصفيه من الزيت
  • شرايح زيتون مخلي مقطع
  • جينه موتزاريلا
  • 3 طماطم
  • فصين ثوم
  • بصله مبشوره
  • رشة ملح وفلفل
  1. هنحط الخميره والسكر في شوية ماء دافيين وندوبهم ونغطيهم ونسبهم يتفاعلو
  2. هننخل الدقيق ونحط عليه البيكنج بودر واللبن البودره لو متوفر ورشة الملح وننزل عليه بالخميره والزيت ونقلبهم ونعجن ونزود ماء دافيه حسب نوع الدقيق نبل ايدنا ونعجن لحد مايبقي معانا عجينه طريه مبتلزقش في الايد ونغطيها ونسبها تختمر
  3. الصلصة هنحط الماء المغليه على النار وعليها رشة ملح والثوم ونحط الطماطم بس هنعمل علامة اكس بالسكينه فيها من تحت ونسبها تغلي غلوتين ونطفي ونسبها تهدي شويه ونقشرها ونخلطها مع الثوم المسلوق في الكبه من غير ماء او في الخلاط مع شوية ماء صغيرين هنكون شوحنا بصله في نقطة زيت وننزل عليها بالطماطم ورشة فلفل ونسبها تتسبك
  4. العجينه بعد ماسبناها ساعة تختمر هندهن صينيه زيت ونبل ايدنا زيت ونبدأ نفردها ونخرمها بشوكه وندهنها صلصة ونحط عليه جبنة موتزاريلا بسيطه ونحط التونه والزيتون والفلفل والطماطم وندخلها فرن سخن ولما تستوي هندهن اطرافها بزبده او سمنه سايحه علشان تأخذ لون حلو ونضيف الجبنة ونحطها تحت شواية البوتاجاز تأخذ لون والجبنه تسيح وبالف هنا
عجبتك الوصفة؟
شوف كل وصفاتنا في مكان واحد
كل الوصفات →